(చంద్రమౌళి) అంతర్మధనం

సోలా... సొల్లా

2012-01-23T14:11:00.001+05:30

ఈ పోస్టుని చదవటానికి క్రింది లింకు పైన క్లిక్ చెయ్యండి

Is it SOUL or సొల్లు

నాకు ఏలియన్ వరల్డయిన ఈ భూగోళంలో దొరకవ్...

2011-12-15T00:36:00.001+05:30

అలా మాట్లాడుతూనే ఆమెని అడిగేశాను... ప్రేమించటమంటే ఎందుకని మీ అమ్మాయిలంతా, మీ మనసుకి నచ్చిన సోదిని వినే ఒక కౌన్ కిస్కా గొట్టాం గాడు దొరకటం మాత్రమే అనేటట్లు చూస్తారు?‌ వాడు ఎలా ఉండాలో, ఎలా కనపడాలో, ఎలా ప్రవర్తించాలో ఇలా అన్నీ మీరు నిర్ణయించి మీకు నచ్చినట్లు చెయ్యాలని చూస్తారు? మీకుండే ఇన్ సెక్యూర్ ఫీలింగుని వాడి ఇనెబిలిటీకో లేక డిజెబిలిటీకో ముడిపెడతారు?...

మౌనం వహించిందామె అది తుఫాను ప్రశాంతతా అనేటట్లుగా... శబ్ధారంభం సౌమ్యంగా అనిపించినా, సమాధానం ఘాటుగానే ఉంది. మీ అబ్బాయిలంతా ఎందుకలా అమ్మాయిల్ని ఏలియన్సుని చూసినట్లు చూస్తారు, మిమ్మల్ని ప్రేమించే అమ్మాయిల్ని మీ వెనక తిరిగే కుక్కలా హీనంగా భావిస్తారు, ఆమె శరీరానికే ఎందుకు విలువిస్తారు, ఆమె మనసన్నా, మాటన్నా అంత చులకనగా ఎందుకుంటుంది???

శబ్ధ తీవ్రత తుఫాను కాక అదేదో సునామీని తలపించింది... జాన్ గ్రే men are from mars and women from venus,అలాగే జాన్ మిల్టన్ తను కోల్పోయి పొందిన స్వర్గాలలోని అంతరాలు అర్ధమయ్యాయి, ఎందుకో మిల్టన్ జాన్ గ్రే కంటే చాలా అమాయకుడనిపించింది, నిజానికి నేను ఆ నవలలు చదవలేదు కానీ, అమ్మాయిల మనస్త్వత్వం ఎలా ఉంటుందో తెలిసే ఉత్తమ జాతి నేర్పరికి (ఇతరులని చూసి నేర్చుకునేవాడు), ఆ టైటిల్సులో పరమార్థం ఉడుకుతున్న బియ్యం మెత్తబడిందో లేదో‌ దాన్ని తడమకుండానే చెప్పగలిగినంత సౌలభ్యం అనిపించింది...

పాపం పైన ఆమె అడిగిన ప్రశ్నలు అందరి విషయంలో నిజం కాకపోయినా అందులో అతిశయోక్తి అతిగా లేదనిపించింది...

ఆ మద్యన చూసిన ఆరెంజి సినిమాలో, తను ప్రేమించే ప్రేమకి నిర్వచనం కానీ పరమార్థం కానీ చెప్పుకోలేని కథానాయకుని పాత్రని సృష్టించిన రచయిత మనస్తత్వం చూశాను, అదే సినిమాలో ఇంకో పాత్ర ప్రేమంటే ఇదీ అని జీవిత కాలం భార్య పెట్టే పోరుని/సోదిని భరించగలిగే ఎబిలిటీని చాటి చెప్తాడు... స్వార్థం ఇష్టపడే కథానాయకుడంటే ప్రేక్షకుడికి ఇష్టం ఉండదు అలాగే అది నిజ జీవితం ఐతే అలాంటబ్బాయి అంటే ఏ అమ్మాయికీ ఇష్టం ఉండదు... మరి గొంతులో‌ దుఃఖాన్ని దాచుకుని నవ్వుతూ రోజుకో పూలకుండీ కొనుక్కునే పాత్ర అంటే జనాలకి ఎందుకంత ఇష్టం... (వాళ్ళు జనాలు వాళ్ళనడిగి వేస్ట్ అని అంతరాత్మ వెకిలిగా సమాధానం ఇస్తుంది)

నిరంతరం అనుసంధానమై ఉండే సౌకర్యం ఉండే‌ ప్రపంచంలో అనుక్షణం విషయ సంగ్రహణ సామర్ధ్యం కలిగి ప్రతీ నిమిషం ఆర్ధికాభివృధ్ధి సాధించాలనుకునే జనాలకి, భోజనాలని ఈ మెయిల్లో పంపగలిగితే బాగుండు, పిల్లల్ని ప్రింటౌట్ తీసుకోగలిగితే బాగుండు, తన మెయింటెనెన్సూ, జాగ్రత్తలూ తీసుకోమని అడగని పరికరాలే తమ జీవిత బాగస్వాములైతే బాగుండు అని భావించే అభినవ అభివృధ్ధి పద ప్రపంచంలో పలువురు పలికే వాక్యం "ప్రేమా పేడకడి తట్టా"....

ఎందుకీ ఎనాలిసిస్ నీకూ, దేనికిది రాస్తున్నావూ, ఎవరన్నా డబ్బులిస్తారా నీకూ, లేక పని లేదా, ఈ కాలంలో ఎవడన్నా ఇంటరెస్టు మాత్రం ఉందని ఏదైనా పని చేస్తాడా... ఇది నేను రాస్తున్న పోస్టుకొచ్చిన కితాబు...

మనసులో ఏమి తోచక సమాధానంగా చెప్పాను, కేర్నాట్ ఇంజిన్ లోనికి వచ్చిన ఎనర్జీ బయటకెళ్ళటానికి సింకొకటి కావాలి, అది నాకు ఇదే అని చెప్పాను... మరేం‌ చెప్పనూ జీవితమంతా, ఇంగ్లీషు వచ్చీ రాని మనిషి inception సినిమాని మొదటిసారి చూస్తున్నట్లుంటే ఆల్మోస్టు ఎవరైనా ఆ టైపులోనే సమాధానం చెబుతారు...

ఎంత వెతికినా ఏం చూసినా, పాత సినిమాల్లో కనిపించే అందమైన ప్రేమ, స్వంత ఊహల్లో జనించేంతటి స్వఛ్ఛమైన ప్రేమ, నాకు ఏలియన్ వరల్డయిన ఈ భూగోళంలో దొరకవ్...

బంగారు మోము ఛాయ...

2011-11-20T16:35:00.001+05:30

కలైపోయావు కదా నా జీవితాన...

2011-09-30T12:15:00.001+05:30

గురుత్వాకర్షణ...

2011-09-21T00:17:00.000+05:30

అక్షరం

2011-09-05T01:21:00.001+05:30

అక్షరం గురించి వ్రాయమంటే ఏదో అలా అలా వచ్చిన కొన్ని పదాలని ఇలా మీ ముందు ఉంచాలనిపించింది...


క్షరం అంటే నాశనం
అక్షరం=నః క్షరం - అంటే నాశనం కానిది, నాశనమనేదే లేనిది; ఇది అక్షరానికి భాషాపరమైన అర్ధం.
మనోభివృధ్ధి సాధించిన మేధా సంపత్తి కలిగిన ప్రాణి మనిషి. తనదైన శైలిలో జీవించటానికి, తనదైన ఉన్నతమైన సంక్లిష్ట భావజాలాన్ని వ్యక్తీకరించటానికి అలాగే వ్యక్తీకరించబడినదాన్ని స్వీకరించటానికి తనకి అవసరమైన మాధ్యమం భాష, ఆ భాష అక్షరాల అమరిక. ప్రపంచమంతా నిభిడీకృతమై ఉన్న సర్వోత్కృష్టమైన జ్ఞాన సంపదని అర్ధం చేసుకునేందుకు , ఆ సంపదని మానవాళి శ్రేయస్సుకి ఉపకరించేట్టు చేసేందుకు అవసరమైన అక్షర జ్ఞానం ఆవశ్యకత వర్ణింప శక్యం కానిది. ఆ అక్షర జ్ఞానం కలిగి ఉండటం అక్షరాస్యత, అది లోపించటం అనేది నిరక్షరాస్యత.

    ఒక నిరక్షరాస్యుడు తన అవసరాన్ని సరిగా వ్యక్త పరచలేని ఒక సామాన్య అవసరం నుండి ఉధ్ధండమైన ప్రయోగాలతో జనావళికి తన పరిశోధనా సేవలందించే శాస్త్రవేత్త ఉపయోగించే భాష్యం వరకూ అవసరమయ్యేదంతా ఆ అక్షరాస్యత నుండి పుణికి పుచ్చుకుచ్చుకోవాల్సిన జ్ఞాన సంపదే. అక్షరాలు పదాలనీ, పదాలు వాక్యాలనీ, వాక్యాలు విషయ సంపదనీ నేర్చుకునేందుకు దోహదం చేసి తద్వారా విచక్షణ అనేది అలవడేలా చేస్తుంది. విచక్షణ లేకుండా ప్రవర్తించే మనిషి మృగ సమానుడు. మనిషి స్వభావం ఎలాంటిదైనప్పటికీ దానిని మార్చి తనలో సమాజ హితునిగా పరివర్తన తీసుకురాగల మంత్రం అక్షర మంత్రం.

    అక్షరమనే మాతృక జ్ఞానమనే సంపద సాధించటానికి ఉపయోగపడితే, జ్ఞానం విద్వత్తు జనించేందుకు ఉపకరిస్తుంది. విధ్య కలిగిన వాడు లోకమెల్లా పూజింపబడతాడు అనే పెద్దల సూక్తి నిత్య సత్యం. అక్షరాన్ని గురించి ఇలా ఎన్ని అక్షర సత్యాలు చెబుతున్నా చాలా అద్భుతంగా ఉంటాయి. కానీ గుర్తుంచుకోవాల్సిన విషయాలు చాలా ఉన్నాయి. కూరగాయలు తరిమే కత్తి ని ప్రావీణ్యత లేని వాడు దానిని ఉపయోగించినా లేదా హత్యలు చేయాలనే వాడు ఉపయోగించినా అది రక్తం కళ్ళ చూస్తుంది. అక్షరం అనే సాధనం‌ చాలా ఉన్నతమైనదీ మరియు ఎంతో శక్తివంతమైనదీనూ. చిన్ననాటి నుండీ సమాజ శ్రేయస్సుకి సంభందితమైనపోకడలని అలవర్చుకున్న మనిషి చేతిలో అక్షరం ఏనాటికైనా ఒక మహాద్భుతాన్ని చూపుతుంది. కాలి నడక నుండి గాలి నడక వరకూ అభివృధ్ధి సాధించిన మనిషి గొప్పతనం, కొండంత నుండి గోరంతవరకూ చేరుకున్న ఉపకరణాల పరిమాణం వాటి ఉపయుక్తం ఇలా చెప్పగా కోకొల్లలవి. కరడు గట్టినట్లు రహస్యాలను దాచుకున్న ప్రకృతి మానవుని ముందు చేతులొగ్గి వాటిని బయట పెట్టటానికి కారణం, మనిషి తాను సంపాదించిన జ్ఞానాన్ని పంచుకోగలిగే మరియు దాచుకోగలిగే సాధానంగా, మాధ్యమంగా ఉపయోగించబడుతున్న అక్షరం మన మనిషుల ఉనికికే తలమానికం, ప్రతిభకే ఆలవాలం. దురుపయోగంలో ఉన్న అక్షర జ్ఞానం దాని పర్యవసానాన్ని సమాజ చీడ పురుగుగా మార్చటం ఖాయం.

    ఏది ఏమైనా మనిషిని మనిషిగా నిరూపించగలిగే అక్షరం ఒక అమోగమైన సాధనం, కానీ అది సాధనం మాత్రమే, నిన్ను మనిషిగా చూపించలేక మృగంగా నువ్వు మారితే అది నీలోని అక్షర దోషం తప్ప అక్షరంలో స్వయంగా దాగి ఉన్న దోషం కాదది. అనిర్వచనీయమైన వాడి అందుకు సరిపడ వేడిని కలిగున్న అక్షరంతో పాటుగా దానిని ఉపయోగించే దారి అనే జ్ఞానాన్ని, ఎటువంటి పరిస్థితులనైనా ఎదుర్కొని విధ్యావంతుడైన మనిషిగా నిలదొక్కుకోగలిగే సామర్ధ్యాన్ని అందరూ పెంపొందించుకోవాలని ఆశిధ్ధాం.

జాలేస్తుంది కూడానూ...!?!?!?!

2011-08-05T02:19:00.002+05:30

"హా!! ఏంట్రా అలా చూసి, ఎందుకో కొద్దిగా నచ్చగానే ప్రేమ పుట్టేస్తుందా, ఇప్పటికి నువ్వు పుట్టి పట్టుమని పాతిక నిండుంటాయ్ తెలుసా... పదేళ్ళ క్రితం ఇదే రోజు ఏ పరిస్థితిలో ఉన్నావో కనీసం వీసమెత్తైనా గుర్తుందా నీకు. ఉండదు, ఎందుకో తెలుసా... నీకు భాద్యత అంటే తెలియదు కనక, నువ్వు తినే అన్నం ముద్దలో ఉండే ఒక్కో మెతుకుని ప్రశ్నించి చూడరా, అవి కలగలసి నీ నోటిని చేరేందుకు కారణమైన వాళ్ళ శ్రమ, ఆశ, ఆవేదన ఏమైనా నీకు తెలుస్తాయా", వాడిని వాయించేస్తుంది అంతరాత్మ.. పాపం దాని తప్పేముందనీ, దాని విద్యుక్త ధర్మాన్ని అది నిర్వర్తించింది. శరీరం పై కొన్ని ఏళ్ళొచ్చాక, మనసు ఎవరి సలహాలనీ స్వీకరించటానికి సహకరించదనుకుంటా. దీన్నే పోజిటివ్‌గా ఆత్మవిశ్వాసమనీ, నెగెటివ్‌గా బలుపు అనీ పిలుస్తుంటారు... సినిమాలో అపరిచితుడికి పలు పర్సనాలిటీలు ఉన్నట్లు వాడికి కూడా ఇంటర్నల్ డిఫెండర్ ఒకడున్నాడు మరి.... "అంటే ప్రేమనేది స్పాంటేనియస్‌గా పుట్టకూడదా?? ఒకమ్మాయ్ నచ్చటానికి కొలమానాలు, కారణాలు, లాంటివి లేకపోతే అది ప్రేమ అవ్వదా?? అన్నం పెట్టే అమ్మా, నాన్నలైనా అలా ప్రశ్నిస్తారో లేదో కానీ నువ్వు బాగా టూ మచ్ చేస్తున్నావ్ అంతరాత్మా", అంటూ అదేదో‌ సినిమాలో బ్రహ్మనందంలాగా వాపోయాడు, తన అంతరాత్మ ఇంకా ఫోర్స్ చేస్తే తానెక్కడ మారిపోవాల్సొస్తుందేమో అని అనుకుంటా?... పాపం వాడి బంధువుల్లో చాలా మంది వాడికి క్లాసు పీకేవాళ్ళే ఎక్కువ, వీడి బ్యాడ్ ఫేట్ కొద్దీ చిన్నప్పుడు వీడి లెక్కల మాష్టారు ప్రతిక్షేపించటం అనే పదాన్ని బాగా నేర్పినట్లున్నాడు, అందుగ్గాను ఆ తొక్కలో మైండ్ ఎప్పుడూ ఎవరో ఒకరిని వీడికి ఎగెయినిస్టుగా ప్రతిక్షేపించి, సరిగ్గా టైం చూసుకుని వాడి లోపల ఒక కోర్ట్ సీనో, లేక ఎఫ్.బీ.ఐ దర్యాప్తు బృందాన్నో ఏర్పాటు చేస్తుంది... పాపం ఎప్పుడూ ముద్దాయి వీడే... ఏంటో‌ వాడి మైండు వాడికి క్లాసు పీకినప్పుడల్లా, వాడిని చూడగానే, చీకేసిన తాటి టెంకెకి రంగురాళ్ళద్దినట్టుండే జుట్టూ, ఫేసూతో పాటు అవతారమంతా, పెళ్ళైపోయి పెళ్ళామెప్పుడుదిలేస్తాదా అని ఎదురు చూసే మగడిలా తయారవుతుంది.. ఇమ్యూనిటీ పూర్తిగా లేని బబుల్ బేబీ సిండ్రోం‌ ఉండేవాడు కూడా వీడిలాగా దీనంగా మొహం పెట్టడేమో... వీడి ఉత్సాహం ఏంటో తెలీదు కానీ, ఒక రోజు ఎవరో ఒక కొత్తగా పెళ్ళైన ఆసామిని అడిగాడంట, ఎలా ఉందండీ మీ వైవాహిక జీవితం? అని, ఆయన దానేకోమో బహు బేషుగ్గా ఉందోయ్ అంటే, వీడికి డౌటొచ్చీ మీరు నిజంగానే పెళ్ళి చేసుకున్నారా?? అని అడిగేశాడంట. తర్వాతేమైందీ అనే కదా మీ ప్రశ్న, ఏముంటుందీ, వాడు వీడిని హాస్పిటల్లో జాయిన్ అయ్యేలా ఒకటి పీకాడు... ఇదేనేమో కూలిచ్చి కొట్టించుకోటం అంటే... నిజంగా ఇలాంటి అమాయకపు లేదా మొండి స్నేహరత్నాల్ని చూశాక అనిపిస్తుంది... వాళ్ళ సాంప్రదాయాల్ని రక్షించట్లేదని పెద్దవాళ్ళ సణుగుళ్ళూ, ఆధునిక సమాజానికి తగినట్లు ఉండనివ్వట్లేదని చిన్నవాళ్ళ గొణుగుళ్ళు... ఇవి కాకుండా ఎమోషనల్‌గా ఏమున్నాయి మన మానవ సమాజంలో అని.....
హా రీడరూ నీ ఎమోషన్ నాకు అర్దమైంది, పట్టెడన్నాన్ని తడిమి చూస్తే పుట్టెడు బియ్యం ఉడికినట్టా, దానిని కలుపని తెడ్డుకున్న అడ్డేదో‌ తెలిసా నీకు అంటారు కదా... ఏం‌ చేస్తామండీ, జీవమనే ఉచ్చు చిచ్చు నీ పుచ్చుని పట్టి లాగు విధంబులనంతముల్ అన్నట్లుగా, కళ్ళకి గంతలు కట్టుకుని జీవితమనే ఏనుగుని వెతుకుతూ ఉండే సమాజమంతా జీవితాన్ని పలువిధాలుగా వివరిస్తుంటే, గంతలు తీసి దూరం నుండి చూస్తున్న నాకు వాళ్ళలాంటోళ్ళందరినీ చూసి నవ్వొస్తుంది మరి.... నాకు తెలిసిన వాళ్ళలో ఆ ఏనుగంటే ఇష్టం లేని వాళ్ళని కూడా దాన్ని కొలవటానికి తీసుకుపోతుంటే జాలి వేస్తుంది కూడానూ....

అర్ధం లేని చిత్రాలలా... :)

2011-08-05T01:10:00.000+05:30

తొక్కలో లైఫ్...

2011-08-04T02:08:00.001+05:30

గాలి బాగా వీచిందని, నేల విడిచి సాము చెయ్యటానికి నువ్వేమైనా కాగితమ్ముక్కనుకున్నావా... భాద్యత గల సగటు మనిషివి, అలా ఉరకలేస్తావేం పెట్రేగి పోటెత్తుతున్న గంగానదిలాగాఅని వారించాడు. భాద్యతలంటే అవేమైనా లంకెల బిందెలా, బరువున్నా నెత్తిన వేసుకుని మొయ్యటానికీ, మూసుకుని నీ పనేదో‌ చూసుకో లేకపోతే మూతి పల్లు రాలుతాయ్... పాపం లేని పెద్దరికాన్ని మీదేసుకున్నాడేమో అని తనలో‌ తానే ఫీలైనట్లున్నాడు, ఏం‌ మాట్లాడకుండానేవెళ్ళిపోయాడు నెమ్మదిగా బుద్ది చెప్పతలచిన మనిషి... జీవితం మీద ఆశ అనే జబ్బు పట్టుకున్న మనిషిలా కనిపించాడు తను.. ఆలోచనల్లో ఉన్న రెండో మనిషిని ఎలా తిట్టేసినా పర్వాలేదు, కానీ నిజ జీవితంలో ఎవరినైనా అలా తిడితే, పాపం ఎంత హర్టవుతారో ఏమో... అందుకేనేమో వీలైనంతగా సమాజానికి దూరంగా దాక్కుంటున్నాడు ఆ తిట్టేసిన మనిషి, కర్ర విరగకూడదు పాము చావకూడదు అనే చందంలో... సంఘజీవి అంటే సంఘంతో కలిసి జీవించేవాడని అర్ధం కానీ, ఆ సంఘం పెట్టే షరతులన్నీ ఒప్పుకుని బ్రతికేవాడు సంఘజీవి ఎలా ఔతాడు?, ఇలా వాడి మనోబావాలు కోకొల్లలు... అన్ని భావాల్లోనూ జీవితమనే పదం మీద వాడు ఇంటూ గుర్తు వేస్తాడే కానీ ప్లస్ గుర్తు వెయ్యడు.. వాడిని పాపం ప్రతివాళ్ళూ కెలుకుతూనే ఉంటారు, దానికి ఉసూరుమంటూ... 'ఐనా సమాజాన్ని మనం అర్ధం చేసుకోవాల్సిందే తప్ప ఆ పిచ్చి కుక్క మనల్నెందుకు అర్ధం చేస్కుంటుంది లే' అనుకుంటాడు... తనకి అసలు పెద్దోళ్ళంటేనే పడదు, పెద్దరికాన్ని ప్రదర్శించే ప్రతి జీవీ తిట్టటానికే పుట్టాడనుకుంటాడేమో... వాళ్ళ మాటల్లో వినే ఆ నాలుగైదు వాక్యాలు కూడా ఎప్పుడూ పెద్దగా మారవు, "నువ్వు గాలి పీల్చినప్పుడు లేని బాధ, మీ అయ్య నిన్ను కడుపు నిండా మేపుతున్నప్పుడు లేని బాధ, ఈ సమాజం కట్టిన డబ్బులతో కట్టిన రోడ్లపై నువ్వు నడుస్తున్నప్పుడు లేని బాధ, నువ్వు విచ్చలవిడిగా బేవార్సిగా చిందులేస్తూ ఆడుకుంటున్నప్పుడు లేని బాధ..... బాధ్యతలు నీ చేతికొచ్చేసరికి పొడుచుకొచ్చిందా..." అంటూ "రుణం తీర్చు తరుణం వస్తే, తప్పించుకుపోతున్నావా, తెప్ప తగులబెట్టేస్తున్నావా" లాంటి పాటల్ని వినిపించేస్తున్నారు పాపం వాడికి... పోనీ వీడు తగ్గుతాడా వాళ్ళతో ఏకీభవిస్తాడా అంటే, వీడి సమాధానం ఇలా ఉంటుంది, "ఔను నేను బేవార్సే, నేను భాద్యతల్లేని సోమరిపోతునే, గాలికి నువ్వేమైనా డబ్బులు కడుతున్నావా?? కడితే కట్టేవ్ మూసుకుని నువ్వు పీల్చుకో... నన్ను కన్నందుకు పెనాల్టీగా మా అయ్య నన్ను పోషిస్తున్నాడు, ఆయన మంచి మనసుతోనే పోషించినా, మీలాంటి వరస్టు ఫెలోస్ అంతా కలిసి ఆ అయ్యల జాబితాల్లో అందరినీ వాళ్ళ కొడుకుల్ని ఎదవల క్రింద ట్రీట్ చేసేలా చేస్తారు, నువ్వు చెప్పేటట్లు జీతమొస్తేనే అది జాబ్ ఔతుందా, నీలాంటి పెద్ద డాష్ డ్యాష్ గాళ్ళంతా పొగిడితేనే పిల్లల్ని కన్న నాన్నలందరికీ పుత్రోత్సాహం రావాలా, ముందు సుమతీ శతకం రాసినోడ్ని తన్నాలి పట్టుకుని, అందరూ ఇచ్చిన డబ్బుల్తో వేసిన రోడ్లో యాక్సిడెంటైనోడికి ఒకడికి కనీసం రూపాయి సాయం చెయ్యలేదు నీలాంటోళ్ళు నిండి ఉన్న బోడి సమాజం, తొక్కలో సమాజం... మీలాంటి చాదస్తపు ఎదవలుండే జన సమూహాన్ని కూడా సమాజమంటారా, నచ్చని రోమన్ ఆచారాలతో జీవితకాలం రోమ్‌ నగరంలో రోమన్‌లాగా బ్రతికే కంటే మెసపటోనియాలో ఇసుకని పిండి వచ్చే నీటితో ఆ ఎడారి నేలలో బ్రతికేయటం మేలు వీలైనంత వేరం సమాజ శృంఖలాల నుండి తప్పించుకుని స్వేచ్ఛగా పోవచ్చు... నాకు చెప్పటం నీ భాద్యతని నువ్వు భావిస్తే, అది నాకు అక్కరలేదు... నన్ను ఇలానే వదిలెయ్..."
ఇది వీడి వరస..
కానీ మూసపోతల సమాజ పోకడలు వీడిని వదుల్తాయా.... ఏమో??? , గాలి వీస్తే కాగితం ముక్క ఎగిరిపోతుంది, కానీ పేపర్ వెయిట్‌తో సహా ఎగరటం దానికి సాధ్యం కాదు.... సమాజపు కట్టుబాట్లనే ఆ పేపర్ వెయిట్లున్నా ఆ కాగితం ఎగరాలంటే ఏ టోర్నెడోలు రావాలో, ఎలాంటి టోర్పెడోల సాయం కావాలో... జీవితమంటేనే‌ విసిగి వేసారిన ఆ మనసుకి ఇవన్నీ ఒక పట్టాన పడతాయో లేవో... ఆనందం, సంతోషం లాంటివాటి కోసం ఎన్నెన్నో చెయ్యాల్సొస్తుందని వాటిని కూడా విస్మరించేస్తున్నాడు... వాడికీ వాడి దగ్గరున్న బెంచీకీ తేడా ఏమీ లేదని వాడిని చూసి వెటకారంగా నవ్వుకునే వాళ్ళకేసి చూసి, బెంచీతోనే మాట్లాడుతూ ఆ జీవిత రోగంతో బాధ పడుతున్న మనుషులకీ, దూరంగా ఎక్కడో కొండల్లో దావానలంలో చిక్కుకుపోయిన ముళ్ళ తుప్పలకీ ఏమీ తేడా లేదని నవ్వుకుంటున్నాడు.... ఇది చదివిన మీరు ఎవరిని సమర్ధిస్తారో నాకు తెలీదు, నా అభిప్రాయాన్ని మాత్రం అడగద్దు...

రానీకోయ్...

2011-07-11T21:24:00.000+05:30

ఆ మార్పు రానీకోయ్ రానీకోయ్, తెచ్చి నీలో మనిషితనం పోనీకోయ్..

సోది... మళ్ళీ...

2011-06-26T01:01:00.000+05:30

నిజం, ఆ సిట్యుయేషన్ చాలా నిజం... వాడు ఆడుతున్నంత వరకూ, ఫెదరరైనా, నాధల్ ఐనా... చేతాకాని వాళ్ళు అనిపించేలా ఉంటుంది... నీ కోర్టులో బాల్ పడితే... ఔను అప్పుడు తెలుస్తుంది..... ఎలా ఆలోచించాలో, ఏంటో... పరిస్థితుల్ని ఎదుర్కోవటం ప్రతి ఒక్కరికీ అలవాటైన విషయం కాదు... గాలి వీచని దుర్గంద భూయిష్ట సంద్రం రోజూ కలలోకొచ్చేవాడికి... సుగంధ శోభిత గగన సదృశం నుండి నొప్పి తెలియని మెత్తని నేల మీద పడేస్తే... అది కూడా తట్టుకోలేడేమో... కాలం వేసే ఆ గాళానికి చిక్కని ఆ మనసేదో... అలాంటిదసలుంటుందా?... నీ సైజు పెరుగుతున్నావని సంబర పడకురా ఎదిగిన నీ వయసు పెట్టే పాట్లు నీకేం‌ తెలుసు అన్నాడంట ఒక పెద్దాయన... కలలు నేలమీద ఉండవు, నేల మీదుండేది కల కాదు, మరి జీవితం నచ్చని వాడు ఏం చేయాలి, ఎప్పుడు చూసినా ఆ నిజం చిరాకు పెట్టే జీవితం ఎందుకు ఎదొర్కుంటున్నాడో, దానికి అర్దమే లేని వాడు ఏం‌ చెయ్యాలి?? భావగర్భితమైన తన ఆక్రోశాన్నంతా వెదజల్లాలా? ఏమో?? ఏం‌ చెయ్యాలో...

మిగిలే ఒక కాళరాత్రిగా...

2011-06-02T12:17:00.000+05:30

వీడి కంటే ఎయిడ్సే నయం..

2011-05-29T19:58:00.000+05:30

మనం అప్పుడప్పుడూ ఫ్రెండ్సుని కలవటానికని వాళ్ళ ఇంటికి వెళుతుంటాం కదండీ అలానే, మా ఫ్రెండొకడింటికి వెళ్ళానన్నమాట, చాలా రోజులకి సొంతూరు వెళ్ళి అక్కడి ఫ్రెండ్స్ ని కలవటం చాలా తృప్తినిస్తుంది కదండీ, వాళ్ళ నాన్నగారితో కూడా పరిచయం ఉండేసరికీ, లోపలికి వెళ్ళగానే ఎదురు పడి కుశల ప్రశ్నలు వేసే ఆయనతోనే సంభాషించాల్సి వచ్చింది. "ఏంట్రా అబ్బాయ్! ఎప్పుడు రాక ఊళ్ళోకి, నువ్వు బాగా చదువుకుంటావట కదా", అని ఆయనడిగాక సమాధానమేదో చెప్పి మా ఫ్రెండు గురించి అడిగే సరికి, "నువ్వు ఆ గాడిద కొడుకు గురించి వచ్చావా??", అన్నాడు, మనకి.. సారీ నాకు నోటి దురద ఎక్కువేమో "ఆహా లేదంకుల్ మీ అబ్బాయినే కలుద్దామని వచ్చాను", అని చెప్పే సరికి టంగ్ కర్చుకొని మొహం ముడుచుకోటం ఆయన వంతయ్యింది. ఎదవ ఎక్కడున్నాడో‌ ఏంటో, భోంచేసి బయటికెల్తే మళ్ళీ ఎప్పుడొస్తాడో తెలియదు, ఫోన్ చేద్దామంటే ఫోన్ కూడా కలవదు. బ్యాలెన్సైపోతే ఇన్ కమింగు కూడా రాదంటాడ్రా వాడూ, అదేంటంటే వాడు బేవార్సుగా రోమింగులోనూ వాడి సిమ్‌ కార్డేమో ఫోన్ లోనూ ఉంటాయి కదా అందుకే రోమింగులో ఉన్నప్పుడు నిల్ బ్యాలెన్స్ ఐతే ఇన్ కమింగ్ కూడా రాదనీ , అదెవరో వాడి పాత గర్లు ఫ్రెండంట, వాడి ఫోన్ అందక నాలుగు సార్లు ఆమె ఇంటికొస్తే నాలుగో సారి పొరపాటున దొరికిపోయీ ఆమెకీ విషయం చెప్పి కన్విన్స్ చేసేశాడు, ఎదవ తెలివైనోడే అనుకో (ఆశ్చర్యం నా వంతైందిక్కడ), గర్లు ఫ్రెండు ఫోనుకి దొరకనోడు నాకెలా దొరుకుతాడురా ఆ అడ్డగాడిద".
   ఈయన పరిస్థితి ఏదో తేడాగా ఉందనిపించి, "ఏంటి అంకుల్ అసలేమయ్యింది వాడిని అలా తిడుతున్నారు", అని అనడిగాను. ఈ తరం కుర్రాళ్ళకి అసలు పేరెంట్సు ఫీలింగ్సేమీ వంటబట్టవారా వాడు ఒక్క మాటా వినడే, కనీసం వినిపించుకోడే. ఐనా నాకో విషయం అర్దం కాదూ అక్రమ సంభందాలూ, అనవసర సంభందాల వలన ఎయిడ్సొస్తుందని చెబుతుంటారు కదా, నాకేంట్రా సక్రమ సంభందంలోనే అంతకంటే డేంజరెస్ ఫెల్లో వీడు తగలడ్డాడూ. "అంకుల్ మీరు వాడ్ని మరీ ఇంత ధారుణంగా తిడుతున్నారేంటి అంకుల్, అసలేమైంది అంకుల్", అన్నాను. ఆయన వింటే కదా ఊహూ! ఆయన ధోరణిలో ఆయన చెప్పుకుంటూ పోతున్నాడు,"మొన్నటికి మొన్న వచ్చి సినిమా చూసి ఇన్స్పైర్ అయ్యా డాడీ, అందుకే ఆ మొక్కలు పీకే పని కోసం వెళతానన్నాడు, ఆ ఉడతలు పట్టే నా---గాడు". అవేం మొక్కలని ఆయన్ని అడిగితే ఏవో మెడిసినల్ వేల్యూస్ ఉన్న మొక్కలంట అని చెప్పీ మళ్ళీ స్టార్ట్ చేశారాయన,"అసలు ఆ సినిమాకి 3ఇడియట్సు అని ఎందుకు పేరు పెట్టారో తెలుసా, మొదటోడు బేవార్స్ వాడికి తల్లీ తండ్రీ ఇంకా భందువులు వీరెవరూ అక్కర్లేదు, వాడేది కావాలంటే అది చెయ్యొచ్చనుకుంటాడు, తెలివితేటలుంటే చాలా సొసైటీలో బతకడా వాడూ, పోనీ వాడు ఊరికే ఉన్నాడా పోయి పోయి మిగిలిన ఇద్దరినీ కెలికి మరీ ఏది నచ్చితే అదే చెయ్యమని నూరి పోశాడు . ఏటనుకుంటున్నాడ్రా వాడు నేను ఇలాగే ఉంటానూ అవసరమైతే బిల్డింగుల మీది నుండి దూకుతాను అంటే ఉద్యోగాలు ఏ కంపెనీ ఇస్తుంది రా (ఏం చెప్పాలో నాకు తెలియట్లేదు), ఇంకొకడున్నాడు.. పోనీలే లేక లేక పుట్టాడని వాళ్ళయ్య వాడి కోసం మద్య తరగతి వాడయ్యుండీ కూడా ఇంజినీరింగ్ చదువుకోమంటే, ఊహూ నేను కుక్కలకీ,కోతులకీ ఫోటోలు తీస్తానంటాడు.. సినిమాలో చూపించనంత మాత్రాన వాడు తీసే ఫోటోలకి ఉద్యోగమెవడిచ్చేస్తాడురా, కంప్యూటర్ చదువులకున్న డిమాండు వాటికెక్కడుందీ, అందులో ఫెయిలైతే పెళ్ళిల్లకి ఫోటోలు తియ్యటానికి కూడా పనికిరాడు వాడు, ఒక వేళ పిలిచినా అక్కడ తిరిగే పిల్లినో, కుక్కనో ఫోటోలు తీస్తాడు". హమ్మ 3ఇడియట్సు మూవీ ఈయనికిలా అర్ధమయ్యిందా అనుకున్నాను, ఇంతకీ నీ ఒపీనియనేంటీ ఆ సినిమా పైన అని ఆయన అడిగే సరికీ చూద్దామనుకునే సరికి టికెట్లు దొరకలేదంకుల్, తర్వాత టైం దొరక్క చూడలేదని చెప్పాల్సొచ్చింది, ఆయన నన్నెక్కడ ఇరికిస్తాడో‌అని చెప్పి."చూశావా నీకు టైం దొరకదు, వాడైతే టైముకే దొరకడు", హిహిహిహిహిహిహిహ్(ఇది బస్ తప్పిపోయినలాంటి నా వెకిలి నవ్వు) అని నవ్వి, ఆయనకి సినిమా నచ్చిందా లేదా అని అడిగాను, ఆయనకి నచ్చిందని చెప్పగానే,"అదేంటి అంకుల్ చివరికి ఆ ముగ్గిర్నీ ఏదో ఆదర్శమూర్తుల్లా చూపించరు కదా మీకెలా నచ్చింది", అన్నాను, నీకెలా తెలుసు అని అడిగిన ఆయన ప్రశ్నకి తడుముకోకుండా, నాకున్న ఒక ఉత్సాహం అప్పుకోలేని ఫ్రెండు ఒకడు స్టోరీ చెప్పాడని సర్ది చెప్పేశాను. దానికాయన,"కమర్షియల్ యాంగిల్లో డబ్బుల కోసం కథని అలా డైవర్టు చేసినా, వాళ్ళవి వెధావాలోచనలనే విషయంలో ఏమాత్రం కాంప్రమైజ్ అవ్వకుండా ముగ్గురు వెధవలు టైటిల్ని అలానే ఉంచారు", అన్నాడు, ఓరి వీడి ఆప్టిమిజం తగలెయ్యా అనుకున్నాను నాలో నేను. మరి మేం మాకు నచ్చింది చేస్తే ఏంటి ప్రోబ్లం అంకుల్, అందరూ వెళ్ళే దారిలోనే వెళ్ళాలనుకుంటే ఇప్పుడున్న డెవలప్మెంటు ఉండేదా అని అడిగితే, అదంతా మాలాంటి పెద్దవాళ్ళు చేస్తే వచ్చిందిరా, కుర్ర కుంకలు మీకేం తెలుసని మీదికొచ్చాడు, అంటే పుట్టుకతోనే ఇలా ముసలివాడిగా పుట్టారా అని అడిగేసరికి మళ్ళీ నాలుక్కర్చుకున్నాడాయాన... "మీలాంటి పెద్దోల్ల వలనే ప్రపంచ యుధ్ధాలూ వచ్చాయ్, ఎయిడ్సులాంటి జబ్బులూ పెరిగాయి", అనే సరికి మండినట్టుంది ఆయనకి, ఏంట్రా పెద్దోల్లకే ఎదురు చెప్తావా ఏదో మంచోడివని నిన్నేమీ అనట్లేదు అని చెప్పి లుంగీ మడిచి, ముక్కు ఎగబీలుస్తూ ఇంట్లోకి వెళ్ళిపోయాడాయన(కోపంతో).
   హమ్మయ్య! బ్రతుకు జీవుడా అనుకుంటూ బయటికొచ్చి నడుస్తుంటే, మా ఫ్రెండుగాడు కనిపించాడు.. కనిపించటమే తడువుగా వాడితో,"ఒరే ఎదవా స్టీల్‌ప్లాంటుకెళ్ళి బ్లాస్ట్ ఫర్నేసులో దుమికినట్లు, నిండు ట్రాఫిక్ లో ఇరుక్కుని ఎటు పోవాలో తెలియని బాతులాగా, ఇంటర్వ్యూకి ఇన్ షర్టు చేసుకుని వెళుతూ బురదగుమ్ములో పడినట్టూ... ఇంకా ఎలా ఎలాగో ఐపోయింది నీ గురించి మీ ఇంటికెళ్ళిన నా పరిస్థితి. నువ్వు సినిమాలు చూస్తే చూశావ్, ఇక నుండి మీ ఇంటికి వచ్చే ముందు నీకు ఈ మెయిల్ చేస్తా, దానికైనా రిప్లై ఇవ్వు , నువ్వు ఉన్నావో లేవో రిప్లై ఇవ్వకపోయినా పర్వాలేదు, కానీ లేటెస్టుగా నువ్వే సినిమా చూశావో చెప్పి పుణ్యం కట్టుకోరా.. నా టైం బాగుండి నువ్వేదో మంచి సినిమా చూశావ్, ఏ రక్త చరిత్రలాంటి సినిమానో చూసి ఉన్నట్లైతే నన్ను నలుగురు కలిసి తీసుకెళ్ళాల్సొచ్చేది, అని వాపోయి అక్కడినుండి ఉడాయించాను. అసలు విషయమేంటంటే వాళ్ళింట్లో అందరు తండ్రులూ వాళ్ళ కొడుకులు కలెకర్లవ్వాలని కల కనేవారంట, "అతి""కష్ట"పడి చదివి వాళ్ళంతా గుమాస్తా దగ్గర్నుండీ బిల్లు కలెక్టరు వరకూ రీచ్ అయ్యారు, వీడికి రీసెర్చి ఇష్టమనీ అందులోకి దూరేస్తే, ఆయన నాకీ సినిమా కథ చెప్పాడు.

ఛః!! టేస్ట్ లెస్ ఫెల్లోస్‌కి ఎప్పుడూ కథలు చెప్పకూడదు..

2011-05-22T10:00:00.000+05:30

"సమయం పది గంటలు కావస్తోంది, అప్పటికి ఖచ్చితంగా అరవై నిమిషాల వ్యవది ముందే ఆ రోడ్డుకి రెండు వరుసల అవతల ఉన్న స్కూల్ బెల్ గణగణమంటూ మ్రోగింది. అప్పుడే పదో అంతస్థులో అద్దాల కిటికీని కీచు మంటూ తెరచి తన కారు ముందుకు దుమికాడు హీరో...", నాకు ఇలాంటి కథలంటే ఇష్టం అని చెప్పాను వాడితో. ఏరా వీటిని థ్రిల్లర్స్ అంటారు, ఒక్క ముక్క చెప్పటానికి అంత స్టోరీ అవసరమా రా, అని బేలగా వాపోయాడు మా ఫ్రెండు నా వివరణాత్మకమైన ఇంటరెస్టు విని... కథ బాగుంది కదా కంటిన్యూ చేద్దామా అని అడిగాను వాడిని. "నువ్వొకడివిరా నాన్‌వెజ్ ఐటమ్సులో మనిషి బ్రెయిన్ తప్ప వేరొకటి రుచించదేం నీకూ", అన్నాడు.. తప్పించుకు పారిపోటానికి కూడా కుదరని విదంగా ఇద్దరం వెహికల్‌లో ఉన్నామాయే... ప్రపంచంలో జరుగుతున్న సోది కబుర్లు తప్పించి తనకి వేరే విషయాలు ఏవీ ఇష్టపడవాయే. "పెనం మీద కూర్చుని సోఫాసెట్లాగా ఫీలవ్వాలంటే కుదురుతుందా, కానీ మహాశయా తగలడండి తమ స్టోరీని, అన్నాడు". కథ మళ్ళీ మొదలైంది...
హీరో నేల మీదకి దూకగానే విలన్ గ్యాంగ్ వాడిని వల వేసి మరీ పట్టుకుంది... కానీ విషయమేంటంటే, వాళ్ళు పట్టుకుంది హీరోని కాదు, పదో అంతస్తు పిట్టగోడ మీద అంతకు ముందు రోజు హీరో తినేసి పడేసిన అరటి తొక్క మీద కాలేసి జారిన కమెడియన్ని వాళ్ళు పట్టుకున్నారు. "ఒరేయ్ నీ..." (ఈ పిలుపు కథలో బాగం కాదు, మా ఫ్రెండు పిలిచాడు), "ఏంట్రా", అన్నాను.. "మొదటి నుండీ హీరోయే వస్తున్నాడన్నావ్ కదరా, ఐనా ఎవడైనా కంపేరిజన్ కోసం పది గంటలకి ఆఫీసు ఓపెన్ చేస్తున్నారనో లేకపోతే షాప్ తెరుస్తున్నారనో చెబుతారు, నువ్వేంట్రా గంట ముందు ఎక్కడో ఉన్న స్కూల్ బెల్ మ్రోగిందని చెబుతున్నావ్" అన్నాడు వాడు. "మరి హీరో రాకపోతే, వచ్చేది కమెడియన్ ఐతే ఆ విషయం ముందే చెప్పాలి కదరా పాఠకులకీ లేదా ప్రేక్షకులకీ?" అని ప్రశ్నాస్త్రాన్ని నా మీదకి సంధించాడు", వాడికి సమాధానంగా, "నీలాంటోడే రామాయణం అని హెడ్డింగు చెబితే ద్రౌపది ఎక్కడ్నుంచొచ్చిందీ అన్నాడంట, పూర్తిగా వినరా గాడిదా", అన్నాను.. పాపం ఇది చదువుతున్న మీలాగే వాడికి కూడా బ్రెయిన్ అప్పటికే బొప్పి కట్టినట్టుంది, దిగాలు పడి, కళ కోల్పోయిన మొహంతో, "సర్లే, కంటిన్యూ..", అన్నాడు. నేను మళ్ళీ ప్రారంభించాను,"పట్టుబడిన కమెడియన్ని రక్షించటానికి హీరో ఒక పథకం వేయాలనుకున్నాడు.., హీరోకి కౌబాయ్ సినిమాలంటే ఇష్టం, అందుకే వాడి దగ్గర ఉన్న థర్డ్ హ్యాండు, అద్దం పగిలి, బఠానీల వాడి కోసం ఎదురు చూస్తూ ఉన్న బెంజ్ కారు వదిలేసి గుర్రమెక్కి బయలుదేరాడు...", ఇంతలో మా ఫ్రెండు కండిషనేంటా అని ఒకసారి చూశా, పాపం మొహమాటస్తుడేమో, నా కథా హింస నుండి వాడికి సాయం చెయ్యమని వాడికి తెలిసిన దేవుళ్ళ పేర్లన్నీ గుర్తు చేసుకుంటూ ఇలా బిక్క మొహం వేశాడు, ఇంకా కొద్దిసేపు నేను కంటిన్యూ చేస్తే ముందు ఇలా, అటు తర్వాత ఇలా ఐపోతాడేమో అని కథ ముగించేద్దామనే ఆలోచనతో, "అండ్ దెన్ దే లివ్డ్ హ్యాపీలీ టుగెదర్ ఫరెవర్" అని చెప్పేశాను..
మూర్చపోటానికి సిధ్ధంగా ఉన్నవాడు కాస్తా, ఒక్కసారి కోపంగా పైకి లేస్తూ.... "ఎవర్రా హ్యాపీ బ్రతికారు? కమెడియనూ, విలన్ గ్యాంగా లేక గుర్రమూ,హీరోనా... స్కూలు బెల్లు బంట్రోతూ,వాళ్ళావిడానా లేక బొక్కి బెంజి కారూ, బఠాణీల వాడూనా..., నామానాన నేను అద్దం కదలని విండో సీట్లో కూర్చుని ఎప్పుడు ఊరొస్తుందా అని ఎదురు చూస్తూ ట్రావెల్ చేస్తూ ఉంటే, కథ అని చావగొట్టావ్.. నీ--- ---", అని తిట్టాడు. "సారీరా నేను కథ చెబుతూ ఉంటే నువ్విలాక్లౌడ్ నైన్లో విహరిస్తూ వింటావనుకున్నారా, కానీ నువ్విలాఫీలౌతావనుకోలేదురా, ఐనా నువ్వు చిరాగ్గా ఉన్నావని, కథ అలా అర్ధాంతరంగా ఆపేశాను, నిజానికి నేను హ్యాపీ ఫరెవర్‌గా ఉంటారని చెప్పింది కమెడియన్,హీరో ఇంకా విలన్, హీరోయిన్ పెయిర్స్ గురించి", అన్నాను. ఆ ది ఎండ్ స్టోరీ విని వాడుఇంత పని చెయ్యటానికి పూనుకున్నాడు, నేను తప్పించుకోవాలి కదా అందుకేఇలా మెరుపు వేగంతో పారిపోయాను, వేరే సీట్లోకి... కానీ వాడంటే కచ్చ ఉన్న మిగిలిన ఫ్రెండ్సంతా ఇలా రకరకాలుగా వాళ్ళ ఆనందాన్ని వ్యక్తపరిచారు..
ఛః!! టేస్ట్ లెస్ ఫెల్లోస్ కి కథ చెప్పకూడదు అని నేను మాత్రం డిసైడైపోయా....

తరం తరం నిరంతరం...

2011-05-19T22:30:00.000+05:30

పాపం, భావాలు...

2011-05-10T13:17:00.000+05:30

అర్ధం లేని చిత్రాలలా... :)

2011-05-10T13:14:00.000+05:30

ఒక ఆశావాదిని...

2011-05-07T17:37:00.000+05:30

ఆర్ట్ డ్రాయింగ్స్-4

2011-05-06T09:14:00.001+05:30

I don't know if you may call them as 3 wonders of the world.... I know someone has sarcastic sense of calling me 8thWonder

You'll find several entities in this... try to be able to unveil them..

మా ఫ్రెండొకడడిగాడు, ఇంటర్నెట్టు, వెబ్‌డిజైన్ ఇలా ఎందుకంటారూ అని, ఇది గీసి చూపెడితే తల గోక్కుంటూ వెళ్ళిపోయాడు... మాటలతో చెప్పాల్సిందనుకుంటా...!! :)

బాగా సీరియస్‌గా ఈ పెపంచకంలో వాళ్ళకంటే ఎవరూ అస్సలు ఎందుకూ పనికిరారు వాళ్ళ వాళ్ళ వర్కులో అని ఎగస్ట్రా సీరియస్‌నెస్ చూపించే పిహెచ్.డి స్టూడెంట్సు మీద ప్రయోగించాలనుకునే కామిక్...

ఎవరండీ ఇక్కడ పెన్సిల్ చెక్కి చెత్త పోసేసిందీ...??

ఈ ఫేస్ చూసి, ఏంటా ఫేసూ నీ మొహంలా ఉంది అనొద్దేం, నేనింతే, నాకిలాగే గియ్యటం వచ్చు... కొత్తగా ప్రాక్టీస్ చేస్తున్నాను మరీ...

సూర్యుడూ, భూమీ వానా వానా వల్లప్పా ఆడుకుంటూంటే, వాళ్ళ సరదాలకి మనమంతా ఈ భూమ్మీద చచ్చినట్టు పుట్టాల్సొచ్చిందన్నమాట...that is the GRAVITY of the situation...

చింపిరి జుట్టున్న అందమైన పెదాలు కలిగిన చిన్నది... It seems my fellow crazy boys are crazy about this kind of cra/la-zy girls.... hmmm may be beautiful too...

An un-accomplish-able wish.... తీరని కోరిక...

పక్షి బాగా ఫోజ్ కొడుతుంది కదా... చిన్నప్పుడు తాతగారి ఊళ్ళో కోళ్ళకి ఆహారం వేసిన రోజులు గుర్తొచ్చి గీసిన బొమ్మ...

He said navvu(the smile) is naalugu(four) types harmful, I said smile is several types great

నువ్వు పట్టిన కుందేలుకి మూడే కాళ్ళైతే, నా తాబేలు బేషుగ్గా ఎగురుతుంది మరి.... TheMe - tortoise in reality and flying in dreams...

I hate smokers....!! till their persistent good bye to smoking, (even if it is the most beautiful girl in the world)

If ego is your personal problem and divide and live is your principle.... then availability of a separate space for you is a national problem and survival of the fittest would become your sustenance principle..

అంతర్జాలం....!!

2011-05-01T10:07:00.000+05:30

Translation: When I just entered entered into the fuzzy network of internet and observed it, to my astonishment I found myself equivalent to a water molecule in a big ocean, by observing deeply I found that people who're more into it are seemed like aquatic animals who suffer hypoxia as if a fish is taken out of water when they have internet disconnected..... Is it the significance of something called development?

అందమంతా నీదేలే....!!!

2011-04-27T02:31:00.000+05:30

నివాళి...

2011-04-25T18:59:00.000+05:30

There is no supernaturality in this world except certain examples like capable of loving&serving anyone irrespective who the loved/served is. the tools he has are off immense power that their action has shown how he is more than a human. As some people blame let him be anything and let those blames be true, I never mind, I knew the power of those principles truthfulness, right conduct, peacefulness and Love. See the god within you, and the principles you live with. Any damn thing can be blamed. but belief needs a lot of things...

ఆర్ట్ డ్రాయింగ్స్-౩... :)

2011-04-25T09:22:00.000+05:30

వికసించిన మనసు తాను పులకితమై పలికించే సంగీతం పేరు ప్రేమ... So I just wanna say "make your heart optimistic to love and please try to avoid the cacophonic mystics those bark against it, and act against those catastrophic forces that try to kill it... if you really love, try to reach a death for it, to enliven it and to live within it.... (Please do not love, if you are afraid of it)"

అవధులు తెలియని పరిజ్ఞానపు కాలంలో గట్టుకో దేశం, పుట్టకో దేశం.... పరిమితులన్నీ తెగనరికితే, మంచి పరిస్థితులన్నీ నెలకొల్పితే... కాదా విలసిల్లే జీవన సౌరుభం, వినీల గగనపు నీడలో మనిగే గుండ్రని మన భూతలం...

కొండంత ఆశ కన్నీరైతే...!!

2011-04-23T01:12:00.000+05:30

నీపై కొండంత ఆశ కన్నీటి సంద్రమైతే... నా కలల నావ, కడగండ్ల నావై, ఆ కడలి కెరటాల బలిపశువుగా మారె...

ఆర్ట్ డ్రాయింగ్స్-2... :)

2011-04-21T17:31:00.002+05:30

boy at the back of a girl... do not ask me who it is.. who the hell knows her...

ముద్దు ముద్దైన మనసుల ముద్దు, విడితే విరిగిన హృదయమై, కంటికి నీటి జన్మనిస్తుంది...

Title: TheMingle - the true state of frustrated mind with overlapping events/images....

The Thriller...

Predator-prey relationship is one of the examples of significance of God at peripheral level of human understanding, which is understood by means of interdependency of matter in its extreme sub-levels by their permutations and combinations with the aid/anchorage of physico-chemical principles that drive or cause mobility in the static permutative and combinatorial matter (sub-nucleon level matter to Universe)... in observable form and in a comprehensive way to at least to the inner intelligent eye of human...

దేవుడా, దెయ్యమా, మనిషా, మానా.. నాకెందుకూ...

2011-04-21T17:01:00.001+05:30

దేవుడిపై నాకున్న నమ్మకాన్ని గురించి, నాకు సొసైటీ పైన ఉన్న అవగాహన గురించీ వాటి రూపాంతరాలు ఎప్పటి నుండో ఎలా జరిగాయనే విషయాల గురించీ మా ఫ్రెండొకరు నన్ను అడిగినప్పుడు నేను చెప్పిన సుధీర్ఘమైన సోది ఇది, ఓపికుంటే చదివి చూడండి...

"...........................
............ఇంకా విపులంగా చెప్పాలంటే:
కొన్ని ప్రశ్నలుంటాయ్..
1.నేనెవరు? Scientifically a biological product of my parents(process), mythologically a person took birth after his previous birth(consequence)
(no explanation for consequence nor even some evidence just other than blind belief), so I do not rely on the consequence...

2.అది సరే చచ్చినట్టు పుట్టాల్సొచ్చింది మరి ఈ ప్రశ్నలకి కారణాలేంటి: చిన్నప్పుడు మనకి interesting అనిపించే విషయాలు కొన్ని ఉంటాయ్.. దేవుడు రాక్షసులని చంపటమనే "మంచి", రాక్షసుడనే ఒక "చెడు", దేవుడి మహిమలనే ఒక "అద్భుతం".... ఈ అద్భుతం అనేది మెదడుని చెదపురుగు కెలికినట్టు కెలుకుతుంది... ఒక వేళ దేవుడు కనిపించి వాటిని మనకి చూపిస్తే వాటిని అనుకరించటానికైనా ప్రయత్నించొచ్చు... కానీ ఆ అద్భుతాలకి కారణాలూ తెలియవు, దేవుడంటే ఇదీ అని చెప్పలేని ఒక "అసంధిద్గ" పరిస్థితి నెలకొని ఉంటుంది...

పైన apostropheలో ఉన్న పదాలన్నీ, నేను ఆలోచించటానికీ, వెతుకులాడటానికీ గల కారణాలు...
తపస్సు చేస్తే దేవుడొస్తాడని తెలిసి ఒకసారి మంచి సినిమా మధ్యలో కరెంటు పోతే అరగంట దాని కోసం తపస్సు చేస్తున్నట్టు పధ్మాసనమేసి కూర్చున్న నన్ను చూసి ఇంట్లో వాళ్ళూ, డీడీ8లో సినిమా చూడ్డానికొచ్చిన ఇరుగుపొరుగోళ్ళు నన్ను చూసి నవ్వు కున్నారు.. ఆ రోజంతా కరెంటు రాలేదు... ఎందుకో తపస్సంటే నాకు తెలియని విషయమనిపించి వేరే దారే లేదా అనుకున్నాను... "అద్భుతాలు", "సందిద్గ సందేహాలు"... ఇవి ఇంక నడిపించాయ్...

ఓంకారం ఒక ప్రణవనాధం దాని నుండి సకల చరాచర సృష్టి ఆరంభం... అని వేదాలు, భగవద్గీతలో ఉన్నాయని మా తాతగారి ఊరిలో మందిరంలో చెప్పేవారు, ఏమైనా ఇన్ఫర్మేషన్ దొరుకుతుందని అక్కడున్న పిల్లలు చదివే రామాయాణ, మహాభారత పుస్తకాలు చదవటం, ఉషశ్రీ ప్రవచిత మహా భారతాన్ని వినటం మొదలు పెట్టాను.. ఇతిహాసం కొంత అబ్బినా, ప్రశ్నలు పెరిగాయి కానీ తగ్గలేదు.. నాలుగో తరగతిలో అనుకుంటా ఎవరో చిల్డ్రన్స్ నాలెడ్జి బ్యాంకు అనే పుస్తక్ మహల్ పబ్లికేషన్ వాళ్ళ పుస్తకాల సెట్టుని మా తాతయ్య దగ్గర ఉంచమని ఇచ్చారు... అవి మొత్తం చదివేశాను, ఎప్పుడూ (క్లాసు పుస్తకాలు చదవట్లేదని మా అమ్మమ్మ తిట్టేది కూడానూ..)అందులో ఉన్న బిగ్-బ్యాంగ్ థియరీ నుండి విశ్వావిర్భావం జరిగిందనీ, అలాగే విశ్వం గురించీ, గెలాక్సీల గురించీ కొంత విషయం ఉంది. ఓంకారానికీ, బిగ్-బ్యాంగుకీ లింకు ఎలా పెట్టాలో తెలిసేంత వయసైతే కాదాయే.. కానీ మా మామయ్యాలు ఇంకా మా తాతయ్య సైన్సు గురించి మాట్లాడుకునే విషయాలని విని ఎనాలసిస్ వాళ్ళు ఎలా చేస్తున్నారో బాగా అబ్జర్వ్ చేసేవాడిని...
ఏం చేస్తాం చెప్పూ, అటు తెలివితేటలూ లేవు ఇటు లోక జ్ఞానమూ లేదు, కానీ ఇలా తింగరి తింగరిగా వెతుకులాటలు మాత్రం స్టార్టయ్యాయి... ఔను మరీ సినిమాలో మహర్షి నీల్లు చల్లి మంత్రం చదివితే ఏమన్నా జరుగుతుంది కానీ నేను బిందెడు నీళ్ళు వేస్టు చేసినా ఏం జరగట్లేదు కదా.. పాపం ఇంట్లోవాళ్ళకేం తెలుసు, నీళ్ళ వేస్టు చేస్తున్నానని కోప్పడ్డారు అలా చేసినప్పుడు.. అప్పటికీ ఒకటే నమ్మకం "దేవుడు ఎక్కడో ఉన్నాడు, అతన్ని impress చేస్తే వరాలిస్తాడు, తర్వాత పండగ చేసుకోవచ్చు" ఇలా అన్నమాట.. 8th classలో అణువు, పరమాణువు(నేను తెలుగు మీడియంలే) అనీ కేంద్రకం అనీ వాటి లక్షణాలనీ చదివి, అప్పటి వరకూ దేవుడి మీద ఉన్న నమ్మకం ఇంకో రకంగా రూపు దాల్చుకుంది.. "దేవుడు ఈ ఎలక్ట్రాన్, ప్రోటాన్, న్యూట్రాన్లు వీటిని నడుపుతాడు" ఇలా ఇలా ఆలోచించేవాడిని...

10thClassవరకూ నా ప్రశ్నలు, ఇంకా వాటికి ఆపాదించుకున్న సరీ సరిపోని సమాధానాలు తప్ప ఇంకా ఏమీ లేవు ఈ బ్రెయిన్ లెస్ మైండులో...

తర్వాత్తర్వాత సరాసరి డిగ్రీస్థాయికి వచ్చే సమయంలో టీవీలో(ఇంటర్,డిగ్రీల వరకూ కేబుల్ టీవీ లేదు)ఉదయాన్నే వచ్చే సాధువుల ప్రసంగాలు, అలాగే ఎక్కడెక్కడో దొరికిన సనాతన సారథి పుస్తకాలు, మా మామయ్యొకాయన మా ఇంట్లో వదలి వెళ్ళిన Education in Human Values అనే పుస్తకం చదివిన తర్వాత.. కొన్ని కొత్త పదాలతో కూడిన కొత్త సందేహాలు వచ్చాయ్..

ఆత్మంటే ఏంటి, అది ఉందనటానికి ప్రూఫ్ ఏంటి, పరమాత్మ ఎవరు, పరమాత్మ నుండి ఆత్మలు ఎందుకు శరీరాలలో చేరాలి, ఈ భూమ్మీద పాపం, పుణ్యం ఎందుకు అనుభవించాలి, మనిషి చేసే పుణ్యం సంపూర్ణ స్థాయిలో ఉంటే ఎందుకు అతనికి మోక్షం వస్తుంది, అసలు మోక్షం అంటే ఏంటి, పాపం చేసిన వాడు జన్మలు ఎందుకు ఎత్తుతూనే ఉండాలి, అసలు మొట్ట మొదటి జన్మాత్మ ఎందుకు రావాల్సి ఉంటుంది... ఇక్కడ కొన్ని తిట్లు కూడా, పరమాత్మకి వేరే పనీ పాటా లేదా(దెబ్బ తగిలి ఏడుస్తున్నప్పుడు), వాడు ఎందుకు ఇలా జనాల్ని పుట్టించాలి,
ఆశ, నిరాశ, దురాశ - ఇవన్నీ ఎందుకు వివిధరకాలుగా ఉండాలి,
మంచి, చెడు ఇలాంటివి ఎవరు నిర్ధారించారు - దేవుడా లేక మనుషులా...

ఒక మనిషిని చంపటం నేరమైతే, ఒక చీమని అకారణంగా తొక్కటం ఎందుకు నేరం కాదు, మనిషిని మాత్రమే చంపటం పాపం ఐతే ఒక నేరస్తున్ని చంపటం ఎందుకు పాపం కాదు...

ఇలా చాలా సమాధానం ఇవ్వగలిగే మరియు ఇవ్వలేని ప్రశ్నల్ని నేనే సంధించుకున్నాను...

ముందుగా సమాధానం దొరికే విషయాల్ని పరిశీలించాను...
ఆ భాగంలో ఆలోచనతోనే అర్దమయ్యింది, పుణ్యం, పాపం అనేవి, సమాజ భాద్యతని కాపాడటానికి జనాలకి ఆశ పెట్టే/భయపెట్టే అంశాలుగా అర్ధమైంది.. మంచి, చెడూ అనేవి సగటు మనిషి లేదా సగటు సమాజం, సంపూర్ణంగా వాళ్ళ మస్కిష్కపు పరిధిలో ఉన్న పరిమితుల్ని ఆధారాంగా చేసుకుని, వాళ్ళ మనసుకి నచ్చిన వాటిని మంచి అనీ, నచ్చని వాటిని చెడు అనీ, ఇంకొంత మంది ఎక్కువ మంది ఒప్పుకునేదాన్ని మంచి అనీ, ఒప్పుకోని దాన్ని చెడు అనీ అనుకుంటారని నా అనఫీషియల్ పరిశోధనలో తేలింది... ఇలా మన భారతదేశంలో లేదా ఆంధ్రప్రదేశ్‌లో ఐనా సరే... ప్రతీ సామాజిక విషయాల్నీ దేవుడితో ముడి పెట్టి ఉంచారని అర్దమయ్యింది..

మనిషికి ఉండేది ఆశ, దాని సాధనకి ఉన్న మార్గం ప్రయత్నం, ఆ ప్రయత్నానికి కొరుకుడు పడని విషయం కాంపిటీషన్, కానీ ఆశ కించిత్ కూడా తగ్గదు... దానికి తోడు నమ్మకం, దానికి కారణం అక్కర్లేదు.. కారణం అక్కర్లేక పోవటానికి కారణం, మళ్ళీ ఆశ, పేరాశ.. ఇలా సమాజానికి దేవుడు strengthలా కాకుండా ఒక weaknessలాగా మారాడు... ఆశ తీరని వాడు ఆ క్షణానికి దేవుణ్ణి భూతులు తిట్టటం చూశాను, కొంచెం ఆశ తీరినవాడు ఎక్కువ పూజలు చెయ్యటం చూశాను... ఇలా ఇలా ఎంతో గొప్పవాడని వేదాలు చాటి చెప్పే భగవంతున్ని, కొబ్బరికాయ, చిల్లర దాసుడిగా మార్చేశారు మన జనాలు.....

అవి చూశాక నాకు నచ్చక దేవుణ్ణి ప్రసన్నం చేసుకునేందుకు ఇంకేమి దార్లు ఉన్నాయో అని అనుకునేవాడిని... డిగ్రీ స్టేజిలో నా పాత ప్రశ్నలు తుడిచిపెట్టుకు పోయాయి.. కారణం, ప్రతి అద్భుతాన్నీ క్షుణ్ణంగా పరిశీలిస్తే, కారణం తెలుసిపోతుంది కొంతైనా సరే... కానీ అసందిద్గం డివైడ్ అయ్యి పైన చెప్పిన ప్రశ్నల కంటే ఇంకా చాలా ఎక్కువ రకాలుగానే విడిపోయింది...

ఎంత వెతికినా ఆత్మ, పరమాత్మ,లాంటివాటి ఉనికి గుడ్డి నమ్మకానికి అతీతంగా ఏదీ దొరకలేదు.. ఉంటే ఉండనీ లేప్పోతే పోనీ అనుకున్నా,
ఒక విషయం చెప్పటం మరచా, 9thClassలో ఒకసారి నేను చచ్చిపోయేంత ఫీవర్ వచ్చింది 107డిగ్రీలు.. అప్పుడు ఆ రేంజి జ్వర కారణాలలో ఆ ఊళ్ళో ఎవరో చనిపోతే కాలుతున్న శవాన్ని చూసి జడుసుకోవటం ఒకటీ, కారణం ఏంటీ అంటే దయ్యం వచ్చి ఏదో చేసేస్తుందని భయం.... అది పోవాలంటే ఎలా అని ఆలోచించా... అప్పట్లో NS(natural science) బుక్కులో అమీబా గురించి చెప్పారు, మాంచి విషయం దొరికింది దయ్యాల్ని disprove చెయ్యటానికి, మనిషి చచ్చిపోయి దయ్యమైతే అమీబా ఎందుక్కాదూ అనుకున్నా.. ఎక్కడా దయ్యాల కథలు ఎవరు చెప్పినా మనుషుల మాటలూ, మనుషులూ మరియు జంతువుల ఆకారాలూ గురించే చెప్పేవారు... మరి అమీబా దెయ్యం ఎందుకు ఎవరికీ కనిపించలేదు??‌ ఇదీ నా ప్రశ్న... అప్పట్నుంచీ ఒకటే థాట్, దయ్యముందా, ధైర్యముంటే నా ముందుకు వచ్చి ఏ వేషమన్నా వెయ్యమను తర్వాత సంగతి తర్వాత చూసుకుందామనుకున్నా... నేనింత వరకూ ఎప్పుడూ దయ్యాల్ని చూడలేదు రోజూ అద్దంలో తప్ప...

మా తాతగారూర్లో వాళ్ళింటి దగ్గర ఆవు దూడ ఉండేవి నా చిన్నప్పట్నుంచీనూ, once in 10thClass I saw the grown up male calf mating with the cow that has given bith to it, అప్పుడు మా మామయ్యని అడిగా అదేంటీ అది వాళ్ళమ్మ కదా అని.. దానికాయన అవి పశువులు, వాటికా తేడాలుండవు అని చెప్పాడు...
మనిషి ఆలోచించే స్థాయికి చేరిన తర్వాత సమాజపు ఆవిష్కరణ ఎలా జరిగిందో, సమాజంలో ఉన్న పరిమితులు అవీ గట్రా ఎలా ఏర్పరచబడ్డాయో అప్పటి మెదడుకి అర్దం కాకపోయినా ఇన్నాళ్ళ నా జీవన ప్రవాహంలో అర్దమయ్యాయి...
ఇలా సామాజిక శాస్త్రాన్ని నాకు నచ్చిన విధంగా నేను చదువుకుంటూ ఉన్నాను.. ఇప్పటికీనూ.....

ఇవన్నీ ఓకే మరి దేవుడి మాటేమిటి...???
మ్మ్మ్మ్ం
every particle in this Universe has mobility, activity, due to its property (degrees of freedom of rotation, translation, stretching and bending etc).. అవి with different permutations and combinations in infinite number of particles and also possibilities, lead to the matter and energy of the Universe... as per scientific observation.. if god is something else what is it/he/she is made of, if he is a definitive, when did he originated, what was his work before సృష్టి, if he had taken birth, out of what is it from?, when matter is of infinite possible activity, why does this silly fellow human thinks as if he was soul. that is సొల్లు. So with several dilemmas I came to a temporary conclusion that, everything itself (matter and energy from sub unknown levels of nucleon(mesons, fermions, bosons, nutrino's, quarks, sub-quarks, etc.. etc..) to super massive blackHoles with intense energy and gravity, and the whole universe it itself as whole and every part of it, (not only humans) altogether is the property called as God by our early humans just by being ignorant of the understandable facts. Now I don't agree if something you call as మహిమ, because even if there is మహిమ, it needs natural ingredients as an output.. if it arises as natural ingredient, it can't happen without a process, only thing is that you would be ignorant of the fact... before the advent of gastro-intestinal physiology into books does anyone know how one eats food and makes it into fecal matter by morning.. no one can say.. but when science deciphered it out... I say from amylase to HCL, pepsin to trypsin, glycocholate to taurocholate.. what not??? it was all a well pre-built mechanism selected by our planetary natural conditions.

So I love science as a tool to investigate the God property and I started thinking if it may achieve some capacity to unveil the God like thing to world completely or it may fail too... yet I don't believe in religion based belief whichever the religion it is regarding God, but I like rituals as I can't forget the reason for beginning of my quest.. but the present perspective of research has changed a lot.. now a days its meant for mostly only earning money and fancy things... still its good... let it go as it is...

Now here I want to repeat my first question in the beginning..
1.Who I'm:

Ans: A biological product of my parents... socially enriched in understanding(as a living entity he the so called me never bothers to see what society is, who cares, what are regulations, what is sense, what is nonsense but just thinks what is what.) and simply follows the nuance nuisance everybody is pride about or feels normal to great, emotionally aggressive to submissive etc.,

I'm a chemical... produced, thermodynamically favourable to carryout life, and gets attracted to something and retracted to some other things... by its chemical nature, and regulated by social principles and shows +ve reaction to regulations of the society...

I'm a chemical body needs food, oxygen, water and shows activities which world calls both strengths and weaknesses as per learning perspective.. and being abide by social (thermodynamically an isolated system) principles, it hides and almost hibernates most of its natural weakness related activities... and for no reason.. and so on.... and on and on...

నువ్వు గోక్కున్న పుండే మంట పెడితే ఎవడ్ని తిడతావ్ చెప్పు..!!

2011-04-16T10:04:00.001+05:30

భూమి మీద జన్మించిన మనిషి పూర్తిగా అంతరించిపోవాలంటే ఏదో ఒక దారి కావాలి కదా, అందుకే అనుకుంటా ప్రకృతి అతి సహజమైన మానవ బలహీనతల్ని కాలుష్యం పెంపొందించే కారకాలుగా ఏర్పరుచుకుంది... మనుషులు తెలివైనవాళ్ళు మాత్రమే కాకుండా స్థితప్రజ్ఞులు కూడా కావాల్సి ఉంది, భవిష్యత్తులో తమ కోసం కాచుక్కూర్చున్న పర్యవసానాల్ని ఎదుర్కొనేందుకై... మరి ఏం చేస్తావ్.. నువ్వు గోకిన నీ పుండే మంట పెడుతుంటే ఎవడ్నని తిడతావ్ చెప్పూ...

ఆర్ట్ డ్రాయింగ్స్... :)

2011-04-12T01:57:00.000+05:30

ఇందాకటి నుండీ ఏవేవో బొమ్మలు గీస్తూ ఉన్నాను, మీరు కూడా చూసి ఎలా ఉన్నాయో చెప్పండి... బొమ్మలుతో పాటుగా వాటి captionsని కూడా చూడండి..


Dedicated to all True LOVERS Theme: The Garland of true lovers' hearts gave for their beloved, and turned their aspirations and minds left as skeletons due to rejections/ditching...


SweetArt to all my sweetHearts... do not imagine too much, its you too...

Do not try to enlighten anyone, simply you'll be left with a lot of non-functional bulbs of failed trial, Just let them be focused to focus of your light rays of splendidness....

భవిష్యత్తులో భయంకరమైన, దట్టమైన అడవులు అంటే, అది ఒక ఊహా చిత్రమే ఔతుందేమో (pic theme: Against deforestation)

Do you wanna say, its a foolish art, but I'm sorry.. Its title is "Its foolish for only Fools".. Please be sportive to it.. if you still think its foolish :)

నా ఆలోచన సమస్తమూ, యుటోపియా సమర్పణమైన చిత్రము... అందులోనూ టాం అండ్ జెర్రీని మిస్ కాలేదు....

The Faded LOVE, Broken HEART, Disturbed mind... and a doodle that seems to be drenched to the bottom of muddy oil called sad feeling with quicksand properties, making aimless chirping sounds to seek help to find some breathe... a collective definition of this mind... :)

ఒక సగటు అబ్బాయి మనసులో అమ్మాయిల గురించి ఏముంటుందో ఒక సగటు అమ్మాయి ఊహించే ఒక సగటు చిత్రము...

కంప్యూటర్లు ప్రపంచాన్ని డామినేట్ చేస్తే తోటలు ఇలానే కడతాయేమో డౌటుగా ఉంది... మీరేమంటారూ? :)

అక్షరం అక్షరంలోనూ ప్రేమని నింపుకున్న ఆ లవ్లీ మౌళీని నేనే... :)

I'm just at zero stage in presenting art, but I like it very much, మీకు చిరాకేస్తే క్షంతవ్యుణ్ణి...

కారణాలతో మిగిలిపోకూడదు... :)

2011-04-10T17:45:00.000+05:30

నిన్ననే ఓరేంజి మూవీ చూశాను.. సినిమా నాకు బాగా నచ్చింది.. అందులో నాకు నచ్చిన భాగాన్ని share చేసుకుందామనిపించి ఇక్కడ పోస్ట్ చేస్తున్నాను...

ఆ తలపుల్లో భాగమే అయ్యి...

2011-04-08T23:15:00.002+05:30

తనని చూడాలనుకునే ఆ యోచనలో ఎన్ని వర్ణనలు ఉబికి వచ్చాయో, మనసులోకి.. కానీ ఆ వర్ణనలన్నీ కలసి చివరికి కొన్ని కన్నీటి బొట్లను మాత్రం మనసుకి బహుమతినిచ్చి వెళిపోతుంటే... పాపం పిచ్చివాడనీ, వెర్రివాడనీ చూసి వినీ వినిపించని ముసి ముసి నవ్వులు నవ్వుకొంటుందీ లోకం.. సంఘజీవి అయిన పాపానికి తప్పదు కదా.. అమానుషమైనా, అవమానమైనా...

ఉగాది.. దానికి తోడు నా సోది...

2011-04-04T11:00:00.001+05:30

చాలా రోజులుగా ఆగిపోయిన బ్లాగు ఉగాది రోజైనా ఆరంభిద్దామని, కూర్చుని గంటయ్యింది, ఆ పనీ ఈ పనీ అంటూ వేరే పనులన్నీ సాగుతున్నాయి కానీ బ్లాగు రాయటం అవ్వట్లేదే.. కొద్దిగా ఖాళీ దొరికి టైపు చేద్దామనుకుంటే, జెమిని న్యూసో, మా టీవీ న్యూసో గుర్తు లేదు కానీ ఆ ఎదవర్టైజ్మెంట్లో ముగ్గురు మనుషుల్లో ఒకడి నోటికి ప్లాస్టరేసి ఆ బ్యానరు క్రింది భాగంలో "Don't have a point of view???" అని రాసినట్టు తయారయ్యింది నా ఫేసూ మైండు.

ఈ మద్యన, అంటే ఒక నాలుగు నెలల క్రితం, కొంతమంది అడిగారు, "ఏంటీ నువ్వీ మద్యన బాగు పడినట్టున్నావ్, పనెక్కువైందా??" అని, కారణమేంటంటే నేను బ్లాగులో డైరెట్టు టైపింగు పోస్టింగులు మానేశానని అంట, ఏదో ప్రపంచం యుధ్ధం ముగిసి మరలా ఇంకో శతాబ్దం వరకూ రాదు అనే ధీమా కనిపించింది వాళ్ళ మొహాలలో. ఏంటో అనగనగా ఒకరోజు సినిమాలో బ్రహ్మానందం డైలాగు గుర్తొచ్చింది, ".........ఓ మాదిరిగా కూడా కనిపించట్లేదా" అంటాడు కదా అది. ఏం చేస్తాం లే వాళ్ళకవసరం లేని విషయాలు, వాళ్ళ అడ్రినలిన్ లెవెల్సు పెంచని విషయాలు రాసే ప్రతీ బ్లాగరూ, సదరు జనాలందరికీ ఒక బేవార్సులాగానే కనిపిస్తూ ఉంటాడు.

ఉగాది కదా ఏదైనా రాద్దామనుకుంటే, ప్రపంచమంతా లోపలికి చొచ్చుకుపోయి, కూరుకుపోయిన రాధ్ధాంతాలే తప్ప నా ఆఫ్ యాక్టివ్ మైండుకి ఇంకా ఏమీ స్ఫురించట్లేదు. పోనీ ఓ కవిత రాద్దామనుకుంటే, తెల్లని పావురం కోయిల గానం చెయ్యదు, అలాగే పచ్చని మామిడి తియ్యదనంతో నిండదూ ఉండదు. ఏదైతే ఏముంది, ల్యాబులో మునిగి తేలే నాకు కనీసం ఈ రోజు స్నానం చేస్తున్నప్పుడు పండగ కాబట్టి తల స్నానం చెయ్యాలని గుర్తుండబట్టి, మర్చిపోయినందుకు ఫోనులో మా అమ్మతో పడాల్సిన చీవాట్లు తప్పిపోయి పొగడ్తలు దక్కాయి. హమ్మయ్య అని ఊపిరి పీల్చుకుంటే నాకు రెండు రూపాయలొస్తే పదకొండు రూపాయలు ఖర్చవుతాయని చెప్పింది అమ్మ. నేను జాతకాలు నమ్మను కానీ ఇలాంటివి చూసి ఇంట్లో వాళ్ళు వెక్కిరిస్తుంటే మాత్రం కొద్దిగా తేడాగానే ఉంటుంది మరి.. ఐనా ఎక్కువ ఖర్చైతే నాకు మాత్రం ఎవరిస్తారులే డబ్బులు.

నువ్వు బ్లాగు రాస్తున్నావా, పబ్లిక్ డైరీ రాస్తున్నావా అన్నాడు మా ఫ్రెండు ఈ పోస్టు టైపింగు చూసి, మ్మ్మ్ "నా జీవితం ఒక తెరచిన తెల్లకాగితపు పుస్తకం" అని ఎవరో కవి చెప్పిన మాట చెప్పేసరికి తనకి చిర్రెత్తుకొచ్చినట్లుంది, నువ్వలా ఓపెన్ చేసి పెడితే, కాయితాలు చించి టాయ్‌లెట్లో తుడుచుకోటానికి వాడుకుంటారని కోపంగా చెప్పి నా సమాధానం వినకుండా అక్కణ్ణుంచి ఉడాయించాడు... మావాడు కొద్దిగా జాగ్రత్తపరుడు లెండి.

ఏదేమైనా నా బ్లాగు రైటింగు ప్రవాహానికి, నిండుదనం కోసం ఆనకట్టలు కడితే నిండిన నీరంతా కూడా ఎండిపోయినట్లనిపిస్తుంది. అందుకే ఈ రోజు పునః ఆరంభం గావించిన నా బ్లాగు రైటింగు ఆగకుండా సాగించాలనుకుంటున్నాను, ఎవరికి నచ్చినా ఎవరికి నచ్చకపోయినా, ఎవరు చదివినా ఎవరు చదవకపోయినా...

అందరికీ నా మనఃపూర్వక ఖరనామ సంవత్సర శుభాకాంక్షలు....

ఉగాది శుభాకాంక్షలు :)

తన జ్ఞాపకాల వెల్లువలో...

2011-04-03T11:32:00.001+05:30

అంతరాత్మతో....

2011-03-24T10:00:00.000+05:30

హోళీ శుభాకాంక్షలు...

2011-03-20T20:18:00.000+05:30

అందరికీ హోళీ శుభాకాంక్షలు...

Happy HOLI

by Chandramouli

ఓ మాతృద్రోహీ....

2011-03-13T10:53:00.003+05:30

ఆంధ్రప్రదేశ్‌లో అచ్చ తెలుగు కుటుంబంలో పుట్టి కూడా తెలుగునీ, తెలుగు సాహిత్యాన్నీ, తెలుగుతనాన్నీ హేళన చేసే మనుషులు కాని మనుషుల్లా చరించే జీవాలకి చురకంటించేందుకు రాసిన వచన కవిత్వమిది..

నే చేసిన పున్నెమదియేదో కదా?...

2011-03-13T04:12:00.000+05:30

చిరునవ్వుతో బ్రతికించావే ఓ చెలీ...

2011-03-09T02:10:00.000+05:30

ఆ చిరు నవ్వులో ఎంతందముందో కానీ, మరీ ఆ నవ్వు చూసి ప్రాణం లేచొచ్చిందంటే, ఆ పిచ్చి ప్రేమ ఎంతటిదో అనిపిస్తుంది, ఆశిస్తే బాగుంటుందేమో అది సఫలమవ్వాలని...

ఏ గాలి లీలనో..

2011-03-08T08:18:00.001+05:30

ఏనాటి ఏ పాపమో..

2011-03-06T02:07:00.000+05:30

ఆశ చావదు, మనసు మారదు.. దహించిపోయే ఆ మనసు ఆవిరి ఇసుమంతైనా కనిపించదు ఆ ఈ స్థితిలో నరకానికీ, భూలోకానికీ తేడా ఏముంది అంటాడా ప్రియుడు.

హేతువేమిటే ఓ నా మనసా!?

2011-03-05T01:41:00.000+05:30

నిశ్చలమూ, నిర్మలమూతో పాటుగా స్థానువైపోయిన మనసుని, దానికి కారణమేంటో అడిగే ఒక ప్రశ్న అంతే..

హల్లోహల్లోహల్లో...

2011-03-01T23:59:00.001+05:30

మనసులో పరవళ్ళు తొక్కే ఆశల ప్రవాహానికి, ఆ ఆశలు అందని చందమామలైతే, ఆక్రోశించే ఆ మనసు నిదర్శనమే క్రింది poem.

విశాల విషాద తుషారం

2011-02-27T23:06:00.000+05:30

సచ్చినోడా పుచ్చినోడా...

2011-02-24T08:16:00.000+05:30

బా-కి-జో-కు

2011-02-09T18:02:00.000+05:30

రీమిక్సు-రింగా-రింగా

2011-02-09T17:53:00.000+05:30

క్యామెడీ :)

2011-02-08T19:58:00.001+05:30

.......ఆయ్యిందొక సుడిగుండపు సముద్రం

2011-02-06T11:30:00.000+05:30

ప్రేమ నేరమూ కాదూ, ప్రేమించేవాడు దోషీ కాడూ... ప్రేమ నిజమైనదీ, అబద్దమైనదీ, తక్కువా లేక ఎక్కువా ఇలా పది రకాలు లేవు.. ప్రేమ ఉందీ లేదా లేనిదీ, లేదా పేమ ఐనదీ లేదా కానిదీ ఇంతే.. శరీర భాగాల పొందిక చూసి కలిగేదాన్ని ప్రేమగా భావించే ప్రస్తుత కాలపు చాలా బాగపు సభ్య సమాజానికి ప్రేమనేది ఒక సాయంత్రపు పానీపూరీ లేదా ఒక అర్దరాత్రి ముగిసే మిడ్‌నైట్ షో అంతే. భవిష్య చరిత్రలో వీరంతా సమాజ పరిస్థితులనే ఋతుపవనపు గాలితో తీసుకెళ్ళబడే మేఘాలవంటివారే తప్ప, అంతరాత్మ చెప్పే మాటలకి, భావాలకి విలువనిచ్చి నడిచే వారు కాదు.

చెట్టు క్రింద ఆ చల్లని సమయాన

2011-02-05T10:44:00.000+05:30

అద్+దానికెందుకో అంత పిచ్చి...

2011-02-01T13:02:00.000+05:30

చెప్పవే ఓ మనసా, గొంతు విప్పవే నా మనసా!!

2011-01-29T23:49:00.000+05:30

కొళాయి నీరు ఒక చుక్క బయటకి పోతుంటేనే చటుక్కున ఆపేస్తావు కదా, మరి నీ కన్నీరు అలా దారగా పోతున్నా నీ మనసుకేమీ అనిపించటం లేదా?, ఔనులే పగిలిన మనసు ముక్కలను అడ్డం తొలగించుకుని ఉబికి వచ్చే ఆ నీటిని నువ్వు మాత్రం ఎలా ఆపగలవ్. ఎంతో బరువుని మదిలో ప్రతి కణపు పొరల లోతుల్లోనూ దాచుకుని ఒక నిమిషమైనా ఆ భారాన్ని పంచుకునే నీ అనే మనిషి దరిలో లేని నిన్ను చూస్తుంటే అనంత కాలం పాటు ఆకాశాన్ని మోస్తూ కొంచెం సాయం కోసం చూసే గ్రీకు పాత్ర అట్లాస్ గుర్తొస్తున్నాడు. పాపం!!..... ఎందుకు పుట్టాను సుమా? అని అంతరాత్మని ప్రశ్నించుకునే జాబితాలో ఒకడివే ఐనా అందరూ తమతమకిచ్చుకునే సమాధానం నీకు సరిపడని అసంతృప్తుడివైపోయావ్. పోవాలన్నా నొప్పేనంటావ్ పోనీ ఉందామన్నా నొప్పే అంటావ్... మదిలో భారాన్ని ఎద లోతుల్లోకి దొర్లించి సేద తీరొచ్చు కదా అంటే, అది ఎప్పుడో ప్రేమాగ్ని శిఖలలో ఆహుతై, ఆవిరై, రక్తాన్ని పంచే ఒక సగ-జీవ కండరమైపోయిందంటావ్. మానసిక రోగివా లేక మేధావివా, ప్రేమానురాగాలు గడ్డ కట్టి పోయిన మానవ ధృవానివా, నువ్వో శవానివా??????? చెప్పవే ఓ మనసా గొంతు విప్పవే నా మనసా!!! :(

నిశ్చలమై నిన్నే చూస్తూ...

2011-01-27T13:06:00.001+05:30

రాలే పత్రాలు - falling leaves

2011-01-25T10:41:00.001+05:30

ప్రతి శిశిరాన్నీ ఆనుకుని ఒక వసంతం ఉంటుంది, వస్తూనే నవ హరిత శోభని వృక్షాలకందిస్తుంది వసంతానికీ వృక్షాలకీ ఉన్న అనుభందం అలాంటిది, కానీ రాలిన ఆకులకి నివాళి అర్పించటం తప్ప ఇంకేం చేయగలుగుతుంది?

డిజైన్Li

2011-01-25T10:33:00.000+05:30

Yes, Its true that internal energy of us should be higher enough for the reaction of life to take place with more ease...

కార్టూన్లు.. :)

2011-01-24T00:31:00.001+05:30


వామ్మో, ఈళ్ళిద్దరూ కలిపి నన్ను కొడతారేమో? :)

ఆ జంతువు ఎలా కనిపించినా సరే, దానిని కుక్కగానే భావించ ప్రార్ధన :)

నా ఆలోచన నువ్వై...

2011-01-24T00:20:00.000+05:30

తం-రం-నం-రం-డం-స్వం

2011-01-12T23:29:00.001+05:30

బెంజీన్ ఫీలింగ్...

2010-12-31T09:58:00.001+05:30

జస్ట్ లైక్ దట్...

2010-12-30T03:11:00.002+05:30

ఫర్ ఎవర్ అండ్ ఎవర్...

2010-12-26T13:11:00.000+05:30

A ఛాllenజ్2Theists..

2010-12-21T23:21:00.002+05:30

I want to define the Super natural and metaphysical incidents are merely the rate of increased astonishment of individuals at it due to inconceivable methodology involved in and acting as the driving force which in turn because of the absence of proper rationale to conceive it... Do you all have any arguments dear Theists..

స్వయంకృత స్వధిక్కారం...!!

2010-12-21T22:46:00.001+05:30

ఓ జీవితమా...

2010-12-21T13:53:00.001+05:30

ఎంతందమో..!! @@

2010-12-19T11:08:00.001+05:30

చిత్తరవులు..eye&mind

2010-12-18T02:24:00.001+05:30

ఇది మౌస్ ఉపయోగించి చేత్తో గీసిన ఒక చెత్త చిత్రం, చిత్రమును చిత్తము పెట్టి చూసిన చెత్త తొలగి చిత్రము మాత్రము కనిపించునని నా భావన. మీరు పరికించి గాంచినచో అందులో పలు నేత్రములు కనిపించును, అటులనే వాటి భావ వ్యక్తీకరణలు కూడా కనిపించును..... చిత్రములో నిజమైన నేత్రములను కూడనూ చొప్పించటం జరిగింది..... గాంచి మీ అభిప్రాయంబు తెలుప ప్రార్ధన.....

ముందుగా చెప్పేదేంటంటే, don't get confused.... అక్కడి పదాలను ఇక్కడ వివరిస్తున్నాను.... white collarని తెల్ల రంగులో చూపించటం జరిగింది....... అలాగే సర్వ కళల్లోనూ నిష్ణాతుడని చెప్పే విధంగా multicolor liningతో "కళ"ని చెక్కటం జరిగింది, కారుని ఎర్ర రంగు అక్షరాలతో చూపించటం జరిగింది....... ఫైనల్ టచ్ ఏంటంటే.... అమ్మాయిలకి క(కా)లరు, కారు, డబ్బుల చెట్టులాంటి మాంచి విద్యావంతుడైన అబ్బాయి దొరకితే ప్రేమా తొక్కా అంటూ హార్టుని తగలెట్టేస్తారన్నమాట......... నా భాష కంటే బొమ్మే వ్యంగ్యంగా అసలు విషయాన్ని వ్యక్తపరిచిందని భావిస్తున్నాను......

మ్యాడ్ లవ్

2010-12-17T00:24:00.001+05:30

కొన్ని ఆర్టు డిజైన్లు....

2010-12-12T11:53:00.002+05:30

MyNewNameBoard

Roses won't fade, only the lover.....

Something to say +ve

Intelligent brain haunted by some darkness, making vision of minds eye blur... entangled by some unscrupulous monochrome creatures..........

Everyone can predict how evolution takes place, its answer is also unclear and doubtful.... the clear thing is.... a question mark why it has to take place..... which doesn't have an educated guess too...

ఆశ పెడుతున్నాయ్....

2010-12-10T02:32:00.001+05:30

అంతటి ఆనందాన్నిస్తాయా నీకు...!!

2010-12-10T02:26:00.001+05:30

నిద్ర....!? :)

2010-12-04T02:49:00.005+05:30

నిద్ర...!! ఆహా ఎంత బాగుందో ఆ పదం వింటుంటే.... ఈ వాఖ్యం కూడా నేను నిద్రతో వాలుతున్న కళ్ళతోనే టైప్ చేశాను....
చిన్నప్పుడు ఒక తొమ్మిది నెలలపాటు, పూర్తిగా నిద్రలోనే.... రోజులు గుర్తుండవ్ కానీ... ప్రపంచం చూశాక అర్దమౌతుంది నాకు... అంత చిన్నప్పుడు కనీసం భోజనం చెయ్యాల్సిన అవసరం కూడా లేదు... అమ్మ ఏది తింటే అందులోనే కొద్దిగా అందుతుంది... తినటానికి కూడా బద్దకమే ఐనంత నిద్రలో, వెచ్చటి ప్రదేశంలో, ఏ ఒడిదుడుకులూ లేకుండా, ఏ ఆలోచనలూ లేకుండా, కనీసం ఊపిరి కూడా పీల్చే పని లేకుండా, శరీరంలో మృదువైన కండరాలు అసంకల్పితంగా మాత్రమే కదులుతూ, స్వర్గమంటే ఏమిటో తెలియచెప్పేంతగా నిద్రపోయే వయసు అది.... ఈ జీవిత పాఠశాలలో అత్యంత సుదీర్ఘమైన శలవుల్ని అంతకంటే సఖ్యంగా వాడుకోగలిగే వయసూ, పరిస్థితులూ వేరే ఉండవు అనుకుంటా... బయటకొచ్చాక ఎవర్నీ ఎవరూ సరిగ్గా నిద్ర పోనివ్వరు... బాగా గాలి పీల్చుకోటం నేర్చుకోకముందే అన్నం పెట్టేస్తారు... నిద్ర పోతాన్రోయ్ అంటే.. ఆడుకోమంటారు, పోనీలే ఆడుకుందామని చూస్తే ఆ సరదా కూడా తీరకముందే చదువుకోమంటారు.... ఈ పోటీ ప్రపంచంలో బడికెళ్ళి చదువుకోటం స్టార్ట్ చేశాక ఇంక నిద్ర అంటే ఏంటో, అదో ప్రశ్నార్ధకమే... చదువుకుంటున్నాం కదా కొద్దిగా ఎక్కువసేపు నిద్రపోదాం అనుకుంటే... అమ్మా, నాన్నలకీ ఇంకా మామయ్యలకీ ఇష్టమైన రైటర్లు, సైకాలజిస్టులు కొన్ని పుస్తకాలు రాస్తారు.. వాళ్ళు పెద్దవాళ్ళకోసం రాసుకోవచ్చు కదా... ఆహా! చిన్న పిల్లల మీదనే వ్రాస్తారు, పిల్లలు ఎక్కువసేపు నిద్ర పోతే.. సోమరిపోతులైపోతారు (వాళ్ళలాగా) అని ఇండైరెక్టుగా హింట్లు ఇస్తారు.... ఒకాయనేమో రోజుకి నాలుగ్గంటలు పడుకుంటే సరిగ్గా సరిపోతుందంటాడు, ఇంకొకాయనకి మొహమాటం ఎక్కువ, రోజుకి ఆరు గంటలు నిద్రపోవటం సబబే ఐనా, మూడు గంటల నిద్రతో కూడా పిల్లలు ఆరోగ్యంగానే ఉన్నారని ఫలానా దేశంలో జరిగిన ఎక్సుపెరిమెంట్లలో తేలింది అంటాడు.... ఈయనేమన్నా చూసొచ్చాడా, ఆ అబ్బాయ్‌కి నాలాగా/హ్యాపీ సినిమాలో బ్రహ్మానందంలాగా కళ్ళు తెరిచి నిద్రపోయే అలవాటుందేమో..... ఇదంతా దేనికీ అంటే... స్కూల్లో ఫస్టొస్తేనే తర్వాత... ఆ తర్వాత... ఇంకా ఆ తర్వాత.... కూడా ఫస్టొస్తేనే.... గ్రాఫు బాగా పెరుగుతుందంట... ఐనా అందరూ ఫస్టుర్యాంకుకే చూస్తే మిగిలిన అంకీలన్నీ ఫీలవ్వవా?, మరీ అలా ప్రాకులాడటానికి ఫస్టు ర్యాంకేమైనా వేడి వేడి ఇడ్లీనా లేప్పోతే గొప్ప ఫిగరా... ఐనా ఫస్టు ర్యాంకు వద్దని ఎవరన్నారు, కాకుంటే దాని కోసం నిద్ర మానెయ్యమంటే ఎలా?, ఇప్పుడే ఇంకొక విషయం గుర్తొచ్చింది.. అప్పుడెప్పుడో పురాతనకాలం చిన్నప్పుడు ఒకసారి టీవీ చూస్తుంటే, అందులో ఒక స్వామిజీ మరీ మరీ చెప్పేస్తున్నాడు, నిద్ర అంటే తమస్సు, అంటే అజ్ఞానం, అందుకే తమసోమా జ్యోతిర్గమయా అంటారు అని... నేననుకున్నాను "వాడి బొంద, అదేదో వాడు.. నిద్ర పోకుండా ఎన్నాళ్ళో తపస్సు చేస్తే స్వామీజీ ఐపోయినట్లూ", ఈ డవిలాగు నాలో నేనే అనుకున్నాను... గట్టిగా అంటే, అమ్మ కొడుతుంది మరీ... మా సోది మొహాలు కొందరు స్టేటస్ మెసేజీలూ, ఎస్సెమ్మెస్లూనూ.... అదేటీ అనే కదా మీ ప్రశ్నా, తొందరెందుకు చెప్తున్నాను కదా.. "డ్రీం ఈజ్ నాట్ వాట్ యు గెట్ ఇన్ యువర్ స్లీప్, బట్ ఇట్ ఈజ్ ద ఒన్ విచ్ డజంట్ లెట్ యు స్లీప్", వీళ్ళందరికీ నిద్ర అంటే బాగా అలుసైపోయింది.. పోకిరి సినిమాలో ప్రకాశ్‌రాజ్ లాగా ఒక నాలుగు రోజులు నిద్రపోనివ్వకుండా ఉంచేయాలి వాళ్ళని. మా కోర్సు వర్కులో టీచ్ చెయ్యటానికి వచ్చిన ఒకాయన చెప్పాడు ఆయన ఓన్లీ లిక్విడ్ ఫుడ్ మాత్రమే తీసుకుని మేనేజ్ చేసేస్తాడంట, రోజుకి మూడు నుండి నాలుగు గంటలు మాత్రమే నిద్ర పోతాడంట... తనని "ఇన్‌సోమ్నియక్ విత్ ఇండైజెషన్ ప్రోబ్లం" అని పరిచయం చేసుకోటానికి ఇంత పాజిటివ్ యాట్టీట్యూడ్ అవసరమయ్యింది ఆయనకి... మళ్ళీ నిద్రని ఇంతగా తిట్టుకునే చండ శాశనులందరూ, వాళ్ళ జీవితపు భాగహారంలో ఏమి సాధించేస్తారు అంటే... శేషం సున్నానే... అప్పుడు పోయే నిద్రకి మరలా మెలుకువ కూడా ఉండదు....

ఏంటో, ఉదయం లేచిన తర్వాత మళ్ళీ పడుకునే వరకూ సరాసరి ప్రతి మనిషీ.. ఆ రోజునే కాకుండా అటు ఒక వారాన్నీ, ఇటు ఒక వారాన్నీ వర్చువల్‌గా జీవిస్తాడు... పిటీ కండిషన్ ఏంటంటే, తొంభై శాతం మంది ఆ వర్చువల్ లైఫ్లో భాదల్నే అనుభవిస్తారు... వాళ్ళ ప్రెడిక్షన్లకో దండం బాబోయ్!!. నాకసలు అనిపిస్తుంది.. అలా డీప్ స్లీప్లోనికి వెళితే ఈ ప్రపంచం కానీ, ఇందులో ఉండే మనుషులు కానీ, తన పర భేదాలు కానీ, కోరికలు కానీ, ఆశలు కానీ, ఆర్తనాదాలు కానీ, భవిష్యత్తు మీది సంశయాలు కానీ, జవాబు దొరకని ప్రశ్నలు కానీ ఇలా ఏమీ అనిపించవ్... కనీసం ఒక రెండు వారాలు నేను పని కట్టుకుని చేసిన అబ్జర్వేషన్‌తో వందేళ్ళు తపస్సు చేసి ఒక మహర్షి తెలుసుకునే నిజంలో కనీసం రెండొందల పర్సెంటు అర్దమయ్యింది (నోట్:ఇది నా మైండుకి మాత్రమే కరెక్టు కావచ్చు)... నాకు క్రిందటి జన్మ ఉందో లేదో నాకు తెలియదు.. మళ్ళీ జన్మ ఉంటుందని నేను నమ్మను.. అందరూ ఆర్గ్యూ చెయ్యటం విన్నాను కానీ.. అలా ఆత్మ ఐపోవటాన్నీ, ఇంకో జన్మ ఉండటాన్నీ ఎప్పుడూ చూడలేదు, వాటి గురించి మాట్లాడేవాళ్ళు ఏ ఆదారలతో చెబుతారో నాకెప్పుడూ అర్దం కాదు... నేనైతే ఎప్పుడూ చూడలేదు.. నమ్మలేదు.. నమ్మను కూడానూ... ఇలా ఆలోచిస్తుండే నాకు లైఫ్‌లో నిద్ర తప్పించి ఏదీ ట్రూ ఫన్ అని అనిపించలేదు... జీవితంలో అనుభవిస్తున్న టెంపరరీ నిద్రకి ప్రతి పగలున్నీ, ఒక ఇంటరెస్టింగు సినిమా సీన్ మద్యలో ఇంటర్వెల్లాగానూ, సీరియల్ బానిసలకి వాటి మద్యలో వచ్చే ఎడ్వర్టైజ్మెంట్లలాగానూ అనిపిస్తుంది... ఏం చేస్తాం, పూర్తిగా నిద్ర పోవాలంటే నొప్పిలేకుండా అవ్వదాయే... చట్టం దృష్టిలో అది ఒక నేరమాయే... నా అనే వాళ్ళందరికీ అది ఒక శోకమాయే...... అందుకే అందాక అంటే సంపూర్ణమైన నిద్ర దానంతట అది వచ్చేదాక, టెంపరరీ నిద్రనే ఎంజాయ్ చేద్దామని డిసైడయ్యా... ఇది నేను డెబ్భై శాతం నిద్రలో ఉండగా టైప్ చేసిన ఆర్టికల్, కాబట్టి అక్షర దోషాలుంటాయ్, వాటిని మీరు నిద్రలోనే చదివేసి అర్ధం చేసుకోండి....... చదివితే చదివారు, నేను తెలిసినవాళ్ళెవరూ, ఈ పోస్టు రాశానని మా ఇంట్లో వాళ్ళకి చెప్పకండి... ఏమి లేదు వాళ్ళు మళ్ళీ నా కోసం టీ కెటిల్ పట్టుకుని,నన్ను ఇన్సోమ్నియక్‌గా మార్చేందుకు ప్రయత్నిస్తే కష్టం కదా... ఓకే నాకు బాగా నిద్రొస్తోంది.. గుడ్ నైట్... అండ్ సౌండ్ స్లీప్.. అండ్ నో డ్రీమ్స్ ప్లీజ్.....

కొద్దిగా బోర్ కొడితేనూ..

2010-12-03T08:14:00.001+05:30

బోర్ కొడుతున్నా కొన్ని సార్లు చెయ్యి దురద ఊరుకోదు... అలా తయారైనవే ఇవి...

మన ఇవల్యూషనరీ హైవేని ఇందులో చూపించాను లెండి.. I feel whittaker shouldn't have been that wicked on students... yes its right dude/dudette... taxonomy as tough as expedition in astronomy to remember each damn bullshit and inner content of that, but I love exploring it at molecular level...

ఈ జీవి ఎవరో ఏంటో బొమ్మ గీసుకుంటుంటే అందులోకి దూరిపోయాడు...

హిహిహి... బ్రెయిన్... (నిజమే ఎవరికైతే ఏ విషయం తక్కువ ఉంటుందో ఆ విషయాన్ని చూపాలని ప్రయత్నిస్తారు.. నేనిక్కడ బ్రెయిన్ బొమ్మేసినట్లుగా అన్నమాట)

లైఫ్, ప్రతీ క్షణం ఏదో ఒక విషయం మనతో కలిసి ఉంటుంది.. కానీ మనం పుట్టుక తర్వాత మన చివరి వరకూ.. ఆ క్షణం/సమయం ఎప్పుడూ తోడుంటుంది, మనల్ని మనకి ఎప్పుడూ కొత్తగానే చూపెడుతుంది... మనకి మనం‌ కాకుండా తాను కూడా అత్యంత ఆంతరంగికంగా తోడున్నానని చెబుతుంది... నిజానికి సమయమనేది బయటెక్కడా లేదు, మన లోపలే ఉంది, లెక్కలకి తప్ప దేనికీ అందదది... మనసులో భావాలు మరి దాన్ని ఎలా గ్రహిస్తాయో ఏంటో??!!....

చలి చక్కిలిగిలి

2010-12-03T00:27:00.001+05:30

ఇంకిన కడలి...

2010-12-01T09:44:00.001+05:30

...

వెకిలి నవ్వొకటి

2010-11-27T01:49:00.002+05:30

............నన్ను నేను మరచానని చెబితే... పంచభూతాలన్నీ నన్ను తమలో కలిపేసేందుకు ఆత్రత చూపించాయ్, వాటివైపు వెళ్ళలేక, అలాగే ఉండలేక సతమతమయ్యే నన్ను చూసి ఓ వెకిలి నవ్వొకటి నవ్వుకున్నాయ్........

చలనాశక్య పావునైతినే....

2010-11-20T09:20:00.004+05:30

విరహగీతం విరసగీతమై
విరిజల్లు జడివానగా మారుతున్నట్లు
వికటాట్టహాసం చేసే వికృత విధి వంచనలో
చలనాశక్య పావునైతినే..

ఎందుక్కాదూ?

2010-11-16T09:53:00.000+05:30

చెల్లా చెదురైన భాష సంస్కరణ వ్యాసునికే సాధ్యం కావచ్చు
జ్ఞానలవ ధుర్విధగ్ధున్ని రంజింపచేయటం భర్తృహరికి సాధ్యం కావచ్చు
ఉపమాలంకారానికే అలంకారం కాగలగటం కాళిదాసుకి సాధ్యం కావచ్చు
ఇన్ని అసాధ్యాలు సుసాధ్యాలైతే మరి ప్రేమలో నా గెలుపెందుకు సాధ్యం కాదూ

Wall-E బావుంది.. :)

2010-11-11T09:30:00.001+05:30

Wall-E సినిమా చూశారా, చాలా బాగుంది. భూమ్మీది వనరులన్నీ పూర్తిగా వాడేయబడి, పచ్చదనం అంతా మాయమైపోయే తరుణంలో, నివాసయోగ్యం కాని ఈ ప్రదేశం నుండి మిగిలి ఉన్న జనాల్నందర్నీ ఒక స్పేష్ షిప్‌లో నింపి అంతరిక్షంలోకి పంపించేస్తారు.. అక్కడి నుండి వాళ్ళ సామాన్య అవసరాలన్నీ రోబోట్లే చూసుకుంటూంటాయ్. భూమ్మీద ఉన్న డెబ్రిస్ అంతటినీ క్లీన్ చేసే భాధ్యత మన వాల్-ఇ అనే రోబోట్ చూసుకుంటుంది.. దాని దైనందిన జీవన విధానంలో ఆ చిన్ని రోబో చేసే పనులన్నీ నవ్వు తెప్పించటంతో పాటు, హృదయాన్ని కదిలించేలా.. బాగుంటాయ్. మొక్కలేమన్నా పెరిగే అనుకూలమైన మార్పు వాతావరణంలో వచ్చిందేమో అని పరీక్షించటానికి వచ్చే ఈవా అనే రోబోతో మన వాల్-ఈ కి లవ్ స్టార్టవుతుంది. భూమ్మీద దొరికిన ఒక్కగానొక్క మొక్కని స్పేష్‌షిప్‌కి తీసుకెళుతుంది ఈవా, దాని కోసం వాల్-ఈ కూడా వెళుతుంది.. ఇలా ఈ సంఘటనలతో భవిష్య-దర్పణాన్ని చూపించటంతో పాటుగా, మనుషులకి ఎలిమెంట్ ఆఫ్ ది హార్టు, వ్యాపారవేత్తలకి కమర్షియల్ ఎలిమెంటు ఐన రొమాన్సు, లవ్ లాంటివాటిని చక్కగా పొందుపరచి రూపొందించిన మంచి యానిమేషన్ మూవి Wall-E.

hey I got something to play

please don't hit my face

Hey Evaa, I got hold of your hand, hmm but you are un-conscious

We're for life Eva

I love you so much evaa

I too love you so much my dear Wall-E

Hey dear see that marvelous beauty, that we couldn't ever find in our virtual screens...

Space dance performance by Wall-E & Eva


Spaceship captain asks computer to define dance, it says,"Dance, where a series of movements involving two partners where speed and rhythm match harmoniously with music"

ఓh Goడ్...!!

2010-11-07T16:34:00.004+05:30

జీవితమెందుకు దేవుడా అని ప్రశ్నించాలంటే మనిషి నెగెటివ్‌గానే ఆలోచించాలా? నిరాశ ఉంటేనే తప్ప మనిషికి మోక్షం గుర్తు రాకూడదా, ఏమో... దేవుడున్నాడా? అంటే వచ్చే ప్రతి సమాధానమూ ప్రశ్నార్ధకంతోనే అంతమౌతుంది హహహ.. ఆశావాదినీ, నిరాశావాదినీ ఇద్దరినీ ఒకేలా చూడగలిగేది ఇద్దరే అనుకుంటా.. ఒకటి ఏమీ తెలియని పసి పిల్లలు, ఇంకొకటి అన్నీ మర్చిపోయిన పిచ్చివాళ్ళు... హహ.. నిజానికి ప్రశ్నల్ని సరిగా సంధించగలిగితే అవి ఫుల్‌స్టాపుల్ని చీల్చి చెండాడి ప్రశ్నలు ప్రశ్నలుగానే మిగిలిపోతాయి... అవి ఆశకీ, నిరాశకీ... జీవితానికీ, నిర్జీవితానికీ... ఇలాంటి అన్నిటికీ అతీతమైన స్థితికి మనల్ని లాక్కుపోతాయి... ఈ క్రింది కవితలో దేవున్నే నిందిస్తూ సంధించిన పదాలే ఆ స్థితికి నిదర్శనం...

నిన్ను లతలు పెనవేస్తున్న ఆ తరుణం...

2010-11-04T11:45:00.001+05:30

"సంధ్యారాగం చంద్రహారతి పడుతున్న వేళ, ఓ శుభ ముహూర్తాన...." అన్నట్లుగా అద్భుతంగా కనిపించిందీ వృక్ష-లతా కౌగిళి ఒకానొక సాయం సంధ్యవేళ... అంత దగ్గిరగా పెనవేసుకుపోయిన ఆ దృశ్యాన్ని తిలకించగలిగే ఏ జీవికైనా ఆనందం అతిశయమై హృదయం స్పందించి తీరుతుంది(హృదయం ఉన్నట్లైతే)... రియలిస్టులకి(అంటే నా దృష్టిలో హృదయం లేనివాళ్ళు అని అర్దం), ఆ తీగకి చెట్టు అనేది ఆధారం మాత్రమే, చెట్టు ఆధారం ఇవ్వలేనిదైతే తీగ దానిని అసరా చేసుకోదు అని అంటారు వాళ్ళు... అనంతమైన ఆనందాన్నిస్తాను ఆస్వాదిస్తావా అని ప్రకృతి అడిగితే, నాకదేమీ అక్కర్లేదు.. బాగా బతికేదీ, బ్రతికించేదీ ఏదైనా ఉంటే నా మొహాన పడేయ్ లేకుంటే మూసుకుని కూర్చో అని ప్రకృతికి కూడా చెప్పేవాళ్ళు ఆ రియలిస్టులు... వాళ్ళకి ప్రేమ కూడా ఒక అవసరం ఆధారంగానే పుడుతుంది... వేసుకునే బట్టలకీ, తినే ఆహారానికీ ఇచ్చినంత ఇంపోర్టెన్సు మాత్రమే దేనికైనా సరే ఇచ్చే ముముక్షువులూ, స్థితప్రజ్ఞులూ వారే... వాళ్ళకి living ఒక passion, feelings ఒక lesion... వాళ్ళ విషయంలో వాళ్ళని తప్పు పట్టేందుకు మీకు ఒక్క అవకాశం కూడా లభించదు, ప్రపంచమంతా వాళ్ళ తత్వంతోనూ, వాళ్ళతోనూ నిండి ఉంది.. మీకు రియలిస్టులు ఒక వేళ నచ్చితే ప్రేమించానని చెప్పొద్దు, వాళ్ళకది పట్టదు, వాళ్ళది నమ్మరు... నేను పోస్టు చేసిన కవితకీ పైన చెప్పిన సోదికీ సంభందమేంటని అడగద్దు, ఎందుకంటే‌ అడిగినా నేను చెప్పను, ఒక వేళ మీరు ఏదైనా interpret చేసుకుంటే, మిమ్మల్ని రియలిస్టని అనేస్తాను... నాకు తెలిసి నా వరకూ, ప్రపంచంలో అంతకంటే పెద్ద తిట్టు ఇంకొకటి లేదు.... ;)

కేయూరాని న భూషయంతి పురుషం..(my view on art of communication)

2010-10-31T23:10:00.006+05:30

ఆర్ట్ ఆఫ్ కమ్యూనికేషన్ మీద సంస్కృతంలో ఒక మంచి శ్లోకం ఉంది, ఆ శ్లోకంలో వాక్చాతుర్యం అనేది ఒక నిజమైన, మరియు శాశ్వతమైన అలంకారంగా పేర్కొనబడింది... చంద్రహారాలూ, లేపనాలూ, పన్నీటి స్నానాలూ, పూల మాలలూ అలంకారాలు కాదూ, సంస్కారంతో కూడిన(contextual interpretation needed) వాక్కు సరైన అలంకారమౌతుందీ, వాక్కు అనే అలంకారమే లోకాలలోకెల్లా మంచి అలంకారం అని చెప్పబడింది...

కేయూరాని న భూషయంతి పురుషం హారా న చంద్రోజ్వలా
న స్నానం న విలేపనం న కుసుమం నా లంకృతామూర్ధజా
వాణ్యేకా సమలంకరోతి పురుషం యా సంస్కృతాధార్యతే
క్షీయంతేఖిల భూషణాని సతతం వాగ్భూషణం భూషణం

భర్తృహరికి వాక్కు అనే అలంకారంతో పాటు, ఆచరణ అనే అసంక్రమిక ఆస్తి గురించి మనసులో తట్టలేదేమో.. అప్పటి పరిస్థితుల ప్రభావంలోనూ, దేశ కాల మాన స్థితిగతులలోనూ ఆచరణకి అంత ఆధరణ లేకనో అలా కాక తను ప్రేమతో ఇచ్చిన పండు చేతులు మారిన విధానంతో, జీవితం అనే విషయంలో కన్నులు తెరిచి మోక్షపదం వైపు దృష్టి మరలిపోవటం వలననో మరి తెలియదు. కానీ అలంకారం అలంకారమే కానీ మనిషి కాదు, మనిషేంటో తెలియజేసేది అతని ఆచరణ, వ్యవహారం... simply speaking work and worth of human makes him what he/she really is. అందుకనే ఆంగ్లంలో కూడా చెబుతారు Actions speak louder than Voice అని... పై శ్లోకాన్ని విమర్శిస్తుందా అనేటట్లుండేది ఒక వేమన పద్యం

అల్పుడెపుడు పల్కు నాడంబరముగాను
సజ్జనుండు బల్కు చల్లగాను
కంచు మ్రోగునట్లు కనకంబు మ్రోగునా
విశ్వదాభిరామ వినురవేమ

హహహహ్!! ప్రస్తుత ప్రపంచం అంతా vacuumలో పెట్టిన ఇనుము అయస్కాంతం తనని attract చేసిన వైపు దూసుకుపోతున్నట్టు ప్రయాణిస్తుంటే, నీతులెన్ని చెప్పి ఏం లాభం లే, ఇటు తనకీ పనికిరావు, అటు వాటిని చదివేవాడికీ పనికిరావనేమో ప్రస్తుత కాలపు రచయితలెవరూ అలాంటివి రాయటానికి పూనుకోవట్లేదు...

ఏదేమైనా ఒకటి మాత్రం నిజం కమ్యూనికేషన్ స్కిల్ లేకపోవటం అనేది, సౌండు బాక్సుల్లేని మ్యూజిక్ సిస్టం లాంటి పరిస్థితి. వాళ్ళ బుర్రలో/చేతల్లో చేవ ఎంతుందో మనకీ and/or వాళ్ళకీ తెలియకపోయినా తెలియాల్సిన అవసరం లేకుండానే, వాళ్ళ మాటల్తోనే చిలుక జోస్యం నుండి టీవీ యాంకరింగ్ వరకూ నిరాటంకంగా మరియు దగ'ధ్ధగా'యమానంగా సాగుతున్న జీవితాలు.. భర్తృహరి శ్లోకానికి ఉదాహరణలు.. :)

నేను నువ్వైన నా ప్రేమలో...

2010-10-29T10:20:00.001+05:30

.........ఏ విషయాన్నైనా ఎంతో సులభంగా భావించగలిగిన మనిషి, తన నిజమైన ప్రేమ విషయంలో అలా భావించలేడు, పరిస్థితులు తనని వెక్కిరిసున్నా, వెక్కి వెక్కి ఏడుస్తాడే తప్ప, వెనక్కి మరలి ఆ విషయాన్ని మరచిపోలేడు... నిజమైన ప్రేమ మరుపుకి రావాలంటే పునర్జన్మమెత్తాలి (అదంటూ ఉంటే)..... మరి ఆమెకిదంతా అర్దం కాదెందుకనో............

ఏ బాధాతప్త హృదయుని శాపమో...!!

2010-10-28T07:58:00.002+05:30

మనసుని మీటే స్వప్న స్వరాలెన్నో, వాటి సోయగాల లాలనలో ప్రియుడు తన నిజ ప్రదేశాన్ని వీడి ఎక్కడెక్కడో విహరిస్తాడు... ఆ ఊహా యుటోపియా లోకాల్లో ఎంత దూరం వెళ్ళినా, అది ఒక యుటోపియాగానే తనకి మిగిలిన కారణం గుర్తురాగానే, కన్నీరు మున్నీరౌతాడు... మాట పెగలని రోధనల సాక్షిగా, ఆవిరైపోయిన కన్నీరే ఆధారంగా, ఒంటరిదైపోయి మిన్నకుండి చూస్తున్న హృదయమే తన ఆసరాగా... :(

అదృష్టానిది సంకుచిత హృదయం ఫ్రెండూ...

2010-10-27T00:09:00.004+05:30

నువ్వు అడిగిన సాయం ఎవరూ చెయ్యకపోవటం ఒంటరితనం కాదు ఫ్రెండూ... నీకు కావాల్సిన సాయం చెయ్యమని నిన్ను కూడా నువ్వు అడగలేని పరిస్థితి ఎదురైతే అది నిజమైన ఒంటరితనం.... అందుకే నీకు నీకంటే మంచి ఫ్రెండు కనీసం ఒకరన్నా ఉండాలి, ఏ ఎల్లోరా శిల్పం వల్లనో నువ్వొక శిలా విగ్రహమైపోతే, నువ్వడక్కుండానే ఒక ట్రాలీలో తీసుకెళ్ళి కనీసం నిన్ను నిమజ్జనం చెయ్యటానికైనా ఉండాలొకరు... కానీ అదృష్టానిది సంకుచిత హృదయం... నువ్వూ, నేనూ ఏమీ చెయ్యలేం ఫ్రెండూ......

కాలమైనా చెబుతుందో లేదో??

2010-10-24T23:57:00.001+05:30

...........................వాడెప్పుడూ అంతే, బాధ కలిగితే తట్టుకోలేడు, అప్పుడప్పుడూ ఒక్కడే కూర్చుని బోరున ఏడుస్తూ కన్నీళ్ళు పెట్టుకుంటాడని ఎవరో చెబితే విన్నాను, ఏమి జరిగిందో తెలియదు.. కానీ వాడి మనసు మనసులో లేదు.. నవ్వులో జీవం లేదు.. మాటలో ఉండాల్సిన భావం కనిపించట్లేదు.. కనిపిస్తే ఎంతసేపట్లో తనని ఒంటరిగా వదిలేస్తామా అన్నట్లు మొహం పెడతాడు. కారణమేంటో చెప్పడు, ఎప్పుడూ అంతా దాచుకునే ఇంట్రావర్టేమో, మొహంలో భావాల్ని పులుముకుని కనిపిస్తాడు.. ఏమిట్రా అది సైకోలాగా అంటే, మొహం రెండు చేతుల్లో దాచేసి, ఎవరికీ తెలియకుండా తన అరచేతి చారల్నే, కన్నీటి ప్రవాహపు దారుల్లా భావిస్తాడు, మొండోడు, బండోడు, గుండే తనకి లేదంటాడు, దాని అవసరమూ లేదంటాడు... ఎప్పుడూ, ఎదురు చూస్తున్నానంటాడు, దేని కోసమో ఎవ్వరికీ చెప్పడు, కాలమైనా చెబుతుందో లేదో............................................

అసలు తెలుగులో నాకు తెలిసిన తెలుగెంతంటే..

2010-10-24T12:41:00.003+05:30

ఉదయాన్నే టిఫిన్ చేద్దామని మెస్‌కి వెళ్ళినపుడు ఫ్రెండ్సుతో అలా అలా మాట్లాడుతుండగా, ఎవరికి ఎన్నెన్ని భాషలొచ్చు అనే విషయం చర్చలోనికొచ్చింది.. దానికి నా సమాధానంగా నాకు మూడు భాషలు తెలుసు తెలుగు యావరేజీ, ఇంగ్లీషు బిలో యావరేజీ, హిందీ బిలో పావర్టీ లైన్ అని చెప్పాను.. ఆ ఎక్స్ప్రెషన్‌కి అందరం నవ్వుకుంటుండగా.. నా ఫ్రెండొకడన్నాడు, "నువ్వు రాసిన కవితలు తెలుగు తెలిసినోళ్ళే అర్దం చేసుకోటానికి కష్టపడుతున్నారు, నీ తెలుగు యావరేజీయా" అని. దానికి సమాధానంగా, అలా అనే వాళ్ళు చిన్నప్పట్నుంచీ కాన్వెంట్సులో బాగా కేజీలు కేజీలు చదివి ఉంటారులే కాని, కవితలు రాయటానికి పరమోత్కృష్టమైన భాషా జ్ఞానమేమీ అవసరం లేదూ అని చెప్పి అసలు తెలుగు అనబడే తెలుగుకీ, నాకు తెలిసినపాటి తెలుగుకీ ఉన్న తేడాని అక్కడే ఈ క్రింది కవితతో వివరించాను, ఇది విన్న తర్వాత ఆయన వేరే శబ్దాలేమీ చెయ్యలేదు ఈ విషయం పైన...

వికసించే చిరునవ్వా..

2010-10-24T10:07:00.000+05:30

నీ నైరాశ్యం నిమేషం, ఆనందం అనంతం, ఆశల భారాన్నీ.. భావాల బాధల్నీ.. ప్రక్కన పెట్టి, చిద్విలాసుడివై చిరునవ్వు నవ్వవోయి అని నాలోని రెండో మనిషి మొదటి మనిషిని ఊరడించిన సందర్భంలో లిఖితమైన ఈ కవనం, మీ కోసం...

నిర్+ఆశ చిగురులు...

2010-10-20T18:18:00.000+05:30

ప్రేమమయమో లేక ప్రశ్నార్ధకమో..??

2010-10-19T00:36:00.000+05:30

పందికేం తెలుసు పన్నీరు వాసన...

2010-10-17T16:29:00.001+05:30

ఇంటర్మీడియట్లో ఏమీ తెలియని వయసులో ప్రేమకి ఎంతో విలువ ఇచ్చే ప్రతివారూ, PG, Ph.D., లకి రాగానే, లవ్‌ని అదేదో గార్బేజీలో పడేయాల్సిన విషయంలాగా చూస్తారెందుకనో... ఏదో సామెత చెప్పినట్టూ పిగ్గీ బ్యాంకులో చిల్లర పోగు చేసుకుంటా డాడీ అనే పిల్లాడు పెరిగి, పందికేం తెలుసు పన్నీరు వాసన అన్నాడంట...

నాస్తికుల ఊర్లో గుడి పూజారిలా ఐపోయింది నా పరిస్థితి..!!

2010-10-17T09:30:00.000+05:30

Love అంటే ఎందుకో వాళ్ళకి అంత అసహ్యమూ, insecurity లాంటివి... వాళ్ళకే కాదు వీళ్ళకీ చులకనే... I think "LOVE" is at wrong phase of యుగచక్రం... it doesn't have sustenance on this earth... Its true irony from many people, they say some letter code and say that they feel better that than love... ఛా!! నాస్తికుల ఊర్లో గుడి పూజారిలా ఐపోయింది నా పరిస్థితి..

నీ ప్రేమే నా ప్రాణమనీ...

2010-10-16T08:41:00.000+05:30

అధముండననా, అనామకుండననా??

2010-10-14T09:53:00.000+05:30

చిన్నదే...

2010-10-12T00:15:00.000+05:30

సక్సెస్...

2010-10-11T07:16:00.000+05:30

success కాట్లకుక్కలా వచ్చి నిన్ను కాటేయాలంటే... దాన్ని రెచ్చగొట్టి రెచ్చగొట్టి వదిలేసే భాద్యత నీ మీదే ఉంది... ఇంకెవరిచేతో రెచ్చగొట్టిస్తే అది వాళ్ళకోసం వెళిపోతుంది....

ఆ ద్రవమంతా ఉపద్రవమై...

2010-10-10T00:05:00.000+05:30

గుండె నిండా ప్రేయసిపై ప్రేమని నింపుకుని తనకి వ్యక్తపరచలేని స్థితిలో తను కనిపిస్తూ, ఏమీ మాట్లాడలేని ఆ పరిస్థితి, శరవేగంతో ప్రయాణిస్తున్న నీరు సుడిగుండమై, సహాయమందించమని చెయ్యి చాచి, వేస్తున్న గావుకేక గొంతు అంచుని దాటక ముందే ఆ ద్రవమంతా ఉపద్రవమై జలగర్భంలోనికి లాక్కుపోతున్న భావన కలుగుతుందెందుకో...

నిరర్ధకమో...?

2010-10-09T15:40:00.000+05:30

పల్లవించిన ప్రేమ పరవశించిన నా హృదయంలో ప్రేయసి ముద్రించు సుందర అద్దకమో, లేక ప్రేయసియే లేని ఓ ప్రశ్నార్ధకమో, అదీ కాక ఒక పరిపూర్ణ నిరర్ధకమో...??

ఆమె జ్ఞప్తికి వస్తే...

2010-10-07T01:55:00.000+05:30

ఊహాలోకమే నిజమై, నిజమైన ఈ లోకమే ఊహల్లోకి జారిపోతే?... ఎంత బాగుంటుందో!!.. ప్రేయసి జ్ఞాపకాలే తన ఊపిరి ఐనట్లుగా భావించే ఈ ప్రియుని ఆరాధన, ఆమెని ఎప్పటికి చేరుతుందో, ఎలా చేరుతుందో.. అలా చేరేటప్పటికి, ఎవరో కవిగారు చెప్పినట్లు 'నువ్వు వలచావని తెలిపేలోగా నివురైపోతానేమో'; నీకు నేను మాటై తెలపాలా, నా కన్నుల్లో భావాలు నీకు తెలియవా అని మనసు పొరలు దాటి బయటకి రాని వేదన, కన్నులకు తన గోడు మొర పెట్టుకుంటే, కరిగినపోయిన ఆ కళ్ళే, కన్నీళ్ళై నేలని తాకాయి... నువ్వెంత వెతికినా కనిపించని లోతులకి ఇంకిపోయాయి...

ఆవేదన..

2010-10-06T10:06:00.000+05:30

............నా జీవితం తెరచిన తెల్లకాగితపు పుస్తకం, దానిపై తన పేరు రాసి సొంతం చేసుకోమంటే, వాళ్ళంతా కాగితాలు చింపి నలిపి వెళ్ళిపోతున్నారు మిత్రమా............

ఎగస్ట్రా టెర్రెస్త్ట్రియల్ వీడియోస్..

2010-10-05T10:19:00.001+05:30

తలుపు తియ్యని నా మనసులో...

2010-10-04T08:52:00.000+05:30

ప్రేమని వ్యక్తపరచాలనుకునే అబ్బాయికి, అంతర్లీనంగా ఎన్ని సంఘర్షణలో... పాపం అందులో కూడా ఆశావాదం గెలవటానికి తను పడే పాట్లు, మనసులోనే దైవానికి చేసే విన్నపాలు, ఏమి జరుగుతుందో అనిపించే భయాలు... ఇన్ని కలగలిపిన ప్రేమని జయప్రదం చేసుకోవటం అనే విషయాన్ని.. ఒక జీవితపు ఖర్చులా భావిస్తారెందుకో చాలా మంది..

హ్యాపీ బర్త్ డే to మి

2010-10-03T09:36:00.000+05:30

ఈ రోజు నా బర్త్ డే, మన బ్లాగ్ కమ్యూనిటీస్‌లో నాకు ఫ్రెండ్సు చాలా తక్కువ... నా బర్త్ డే సందర్భంగా కొత్త స్నేహాలని అహ్వానించాలని నా అభిలాష.. మరి నాతో ఫ్రెండ్సిప్ చేస్తారా ఎవరైనా?