వేకువ అందాలు..

పొద్దు పొడిచే అరుణోదయాలు, అత్యంత అందమైనవి ఆ ఉషోదయాలు... నా బొక్కి సైకిలుపై ఆ అందాన్ని వీక్షించేందుకు విమానమేదో తోలుతున్నట్లు తొక్కుకుపోతుంటే అనిపిస్తుందీ.. తెల్లవారగనే ప్రకృతి బద్దకంగా ఒళ్ళు విరిచి, తన పిల్లలనందరినీ సూర్యకిరణాల బెత్తంత్తో అదిలించి నిద్ర లేపుతుంటే, తన పక్షి పాపల కిలకిలా రావాలు, మొక్కల లేత ఆకుల అంచుల మీది ముత్యపు కాంతులీనే మంచు బిందువులు, కిరణజన్య సంయోగక్రియకీ, డీ విటమైన్ తయారీకి సిధ్ధమైపోయే వివిధ శరీరపు మాలిక్యూల్సూ... అలా ఎన్నెన్నో, అదో అద్భుతంలే. నేను వెళ్ళే దారిలో కనిపించిన ఏదో తెల్లపువ్వునే మల్లె పువ్వని అనుకుని నాలుక్కరుచుకుని, అదే క్షణంలో చంటబ్బాయి సినిమాలో ఆఖరి ఘట్టంలో చిరంజీవి శోభనం గదిలో మల్లె పువ్వులకు బదులు కనకాంబరాలు వాసన చూసే సీన్ గుర్తొచ్చి పగలబడి నవ్వుకుని ముందుకెళుతూ ఉండగా, సూర్యుని వేడికి బొబ్బెక్కిపోయి ఎర్రగా మారిన ఆకాశం కొద్ది దూరంలో ఎరుపు వివర్ణమై వినీలమైపోతున్న ప్రదేశపు రంగుని అంత సహజంగా ఆస్వాదించటాని నా అదృష్టంగా భావిస్తూ, అలా ఎన్నో ఎన్నో ఇంకెన్నో అందాలని ఆస్వాదిస్తూ, నా డొక్కు సైకిలుకి రెహమాన్ ఆవాహన చెందినట్టు అది కిర్రుకిర్రుమని చేసే ఆర్కెస్ట్రాలో సంగీతానికి నా చెవులొగ్గేసి తిరిగి నా రూముకి చేరి ఇంకా పడుకుని ఉన్నా రూమ్మేట్ని చూసి, "తెల్లవార వచ్చే మెల్లగ ఓ సామి మళ్ళా తొంగుండేవు లేరా, మరలా తొంగుండేవు లేరా" అని తిట్టి నిద్రలేపి.. అలా అలా నా దిన చర్య ప్రారంభించాలనుకుంటాను.. కాకపోతే నేను పెట్టిన అలారం మోగటం స్టార్ట్ చేసిన పది నిమిషాలకి మా రూమ్మేట్ లేచి నన్ను లేపి పడుకుండిపోతుంటాడు, ఆ సౌండు గోల పడలేక... ఔను మరి స్వతహాగా నిద్ర లేవగలగటానికి కూడా అదృష్టముండాలనుకుంటా.. లేకుంటే అంతటి రమణీయమైన ప్రకృతి మెళుకువనీ, నా వెచ్చటి వేకువనీ మిస్సైపోతాను కదా..

ఏ వరమిస్తావని ఆశో

.

వాడికెందుకంత పరధ్యానమో..? ;)

మా ఫ్రెండొకండు ల్యాబ్ నుండి బయలుదేరాడంట, ఆలోచిస్తూ ఏ లోకంలో ఉన్నాడో ఏంటో, అలా ఆలోచిస్తూనే టాయ్‌లెట్లోకి దూరాడంట అందులోకి వెళ్ళగానే సింకులోకి దూరిపోయి మరీ మొహం కడుక్కుంటున్న ఒక చుడీదార్ వస్త్రధారిని చూసి, లేడీస్ టాయ్‌లెట్లోకి వెళ్ళిపోయాడేమో అని తత్తరపాటుగా బయటకి దూకేసి ప్రక్క డోర్ వైపు వెళ్ళేసరికి దానిమీద రాసి ఉంది అది లేడీస్ టాయ్‌లెట్ అని.. మళ్ళీ వెనక్కొచ్చి చూస్తే ముందర వీడు వెళ్ళిన డోర్ మీద జెంట్సు టాయ్‌లెట్టు అనే రాసుంది, ఐనా డౌటు వీడక, వీడీకేం చెయ్యాలో తెలియక నిల్చుని ఎదురు చూస్తున్నాడు, ఒక వేళ జెంట్సు టాయ్‌లెట్లోనికి లేడీ ఏమన్నా పొరపాటున వెళిపోయిందేమో అనుకుని, ఈ లోపు సింకు వాష్ చేస్తున్న... సారీ సారీ.. సింకులో ఫేస్ వాష్ చేసుకుంటున్న ఆ ఆసామి బయటికొచ్చాడు, అప్పటికిగానీ మావాడికి అర్ధం కాలేదు అందులో ఉన్నది అబ్బాయే అనిన్నీ, అతను శార్వాణీ వస్త్రాన్ని ధరించి ఉన్నాడనిన్నీ.. దానినే వీడు చుడీదార్‌గా పొరపాటు పడ్డాడనిన్నీ.... అలా ఎవరికీ తెలియకుండా వాడిని వాడే అవమాన పరుచుకున్నవాడు మౌత్ మూసుకుని ఉండొచ్చుగా,  ఆహా! బయటికొచ్చినాయనతో మొత్తం స్టోరీ చెప్పి అబ్బాయిలిలా చుడీదార్లేసుకోకూడదని నీకు తెలియదా, వేసుకుంటే‌ వేసుకున్నావ్.. వాటితో జెంట్స్ టాయ్‌లెట్లోకి వచ్చేయడమేనా అని దబాయించాడంట, పాపం ఆ చుడీదార్... సారీ సారీ శార్వాణీలాంటి వస్త్రం వేసుకున్నోడు కూడా మా ఫ్రెండే, నా దగ్గర ఎంత సేపు విరగపడి నవ్వాడో వాడికే తెలీదు.. :) :)        ఆ దబాయించిన ఫ్రెండు మళ్ళీ ఏం చెబుతాడో తెలుసా, వాడు డ్రెస్సుని చూసి పొరపాటు పడినందుకు వాడికి అవమానంగా లేదంట, అలా వెయిట్ చేశాక బయటికొచ్చింది అబ్బాయైనందుకు చాలా అవమానంగా ఉందంట.. హ్హహ్హహ్హహ్హహ్హ్హ్హ్హాహాఆ... కొందరి ఇన్సిడెంట్సు ఇలా ఆటోమేటిగ్గా ఫన్నీగా ఐపోతుంటాయ్..

ఎ క్రిటికల్ ఆన్ "ఇంటెలిజెంట్ డిజైన్" థియరీ ఆఫ్ ఇవల్యూషన్

డార్విన్ సిధ్ధాంతాలు.. ఈ సిధ్ధాంతాలు శతాబ్దం పైగా శాస్త్రజ్ఞులకి ఇవల్యూషన్ని వివరించటానికి లేదా అర్దం చేసుకోటానికీ అధారాలయ్యాయి.. ఈ సిధ్ధాంతాలకి మొదటిసారిగా సవాలు విసిరిన విషయం పేరు irreducible complexity దానినే తెలుగులో "అనివార్య సంక్లిష్టత" అని పేరు. ఈ ప్రశ్న ఆవిర్భావానికి కారణం ఫ్లాజెల్లం యొక్క అమరికలో ఉన్న సంక్లిష్టత ఎలా పొందుపరచబడిందో నేచురల్ సెలెక్షన్ వివరించలేకపోవటం. అటు తర్వాత "కెమికల్ ఇవల్యూషన్ని" ఆధారంగా చేసుకుని ప్రోటీన్ల ద్వారా జీవ ఆధారితి సృష్టి జరిగి ఉండవచ్చనీ, ప్రోటీన్లు స్వతహాగా మాలిక్యులార్ ఇంజిన్లు కావటం వలన వాటి మద్యనున్న అమరిక జీవరసాయనికంగా ఎమైనోఆసిడ్ల మద్యనున్న ఆకర్షణవలన రూపొంది ఉండొచ్చనీ భావన.. కానీ డీ.ఎన్.ఏ లేకుండా ప్రోటీన్ అనేది ఆవిర్భవించటం సహజంగా ఎక్కడా జరగదు, అలా ఐతే మరి డీ.ఎన్.ఏ ఎలా ఆవిర్భవించిందని ప్రశ్న.. దానిలో ఉండే నాలుగు రకాలు బేసెస్‌నీ ర్యాండమ్‌గా అమరిస్తే అది ఏర్పడుతుందిలే అనుకుందాం.. కానీ నిర్ధిశా గమనం(random)లో  ఎన్నో సార్లు అక్షరాలని పడేస్తే కావాల్సిన పదమే రానిది, అంత పెద్దదైన పనికొచ్చే ఇన్ఫర్మేషన్ మొత్తం ఉన్న డీ.ఎన్.ఏ ఎలా అలా ఏర్పడుతుంది అని మరలా ప్రశ్న... అది ఏర్పడేందుకు ఆధారాలు లేకుండా ఏర్పరిచిన సిధ్ధాంతం పేరే intelliget design. దీనికి అధారం ఏంటీ అని ప్రశ్నిస్తే వచ్చే సమధానం వినటానికి హేతుబద్దంగా ఉంటుంది.ఎన్నో వేల సంవత్సరాల కాలం నాడు బయల్పడిన రాళ్ళలో సహజ సిధ్ధంగా ఉన్న రాళ్ళకీ, చెక్కబడిన రాళ్ళకీ మద్యనున్న ఇన్ఫర్మేషన్ మద్యనున్న విషయాన్ని ఒక ఆధారంగా వాళ్ళు చెబుతున్నారు.. అప్పుడది చెక్కబడింది కాబట్టి ఆ ఇంటెలిజెన్సు ఆధారితమైన శిలలు సహజసిద్దమైన వాటికంటే ఎంతో భిన్నంగా ఉన్నాయ్. కొన్ని కోట్ల సంవత్సరాలు ఆ సహజమైన రాళ్ళని అలా వదిలేసినా... ఆ చెక్కిన రూపు రేకల్ని సంతరించుకోవు.. అలాగే డీ.ఎన్.ఏ కూడా ఏదో ఇంటెలిజెన్సు వలనే వచ్చిందని వాళ్ళ వాదన. ఇక్కడి దౌర్భాగ్యం ఏంటంటే ఈ లాజిక్కుని పట్టుకుని ఆ ఇంటెలిజెన్సు ఏమయ్యుంటుందా అని వాళ్ళంతా వెతకటానికి సిధ్ధమైపోయారు కానీ అందులో నిజానిజాల విశ్లేషణ ఏదీ చేసినట్టు లేదు.. వాళ్ళకి(evolution biologists) ఉండే సందేహాల్లో మొదటి డౌటు, ఆ ఇంటెలిజెన్సు అంతరిక్షం నుండి వచ్చి ఉండొచ్చని.. ఒక వేళ అది అంతరిక్షంలోంచి తీసుకురాబడింది అని వాళ్ళు ఒప్పించాలనుకుంటే.. మరి జీవ నిర్దేశిత పదార్ధం మొదటిసారిగా ఎక్కడ పుట్టుంది(అంతరిక్షంలో) మరి అప్పుడు అది సహజ సిధ్ధమైన పరిస్థితులలో ఏర్పడకపోతే ఎలా ఏర్పడింది అక్కడైనా సరే.. ఏం దేవుడొచ్చి సృష్టించాడా? అధారాల్లేకుండా సైన్సు దేవుణ్ణి ఒప్పుకోదే.. ఒక వేళ ఆధారాలు దొరికితే అది దేవుడు కాకుండా పోతుందే? అంటే వీళ్ళకి భూమి మీద జీవ సృష్టి ఎలా ఏర్పడిందో తెలిస్తే సరిపోతుందా.. అది ఎవడో గ్రహాంతరవాసి పట్టుకొచ్చాడని ఆధారం దొరికి తే సరిపోతుంది.. అలా కాకుండా ఏమీ లేని పరిస్థితి(period of primordial soup)లో డిజైన్ చేసే ఇంటెలిజెన్సు ఎలా వచ్చి ఉండాలి?  వీళ్ళకి ఏ రకమైన పరిశోధనలు సమాధానాలిస్తాయి? ఈ క్రమంలో ప్రతి ఒక్కరూ తమ గొప్పని ప్రదర్శించేందుకు ఎటువంటి శాస్త్ర సాధ్యమైన అభూత కల్పనలు చేస్తారో అని సందేహంగా ఉంది?? డియర్ రీడర్ మీరేమంటారు...

ఎదురు చూపు..

వసంతకాలంలో కోయిల మృదు మధురిమల గానలహరిలో కూడా ప్రేయసిని ఇరికించి, తానెవరో తెలిసేందుకు చూసే ఎదురు చూపులని కవితా భావలహరిగా మార్చి.. ఇలా.. మీ ముందుంచాను..

సారీ, దీనికి పేరేం పెట్టాలో అర్దం కాలేదు..

ఏదో  చెప్పాలనుంది  నా  మనసుకి, వినే  ఓపిక  నీకుందా?? ప్రశ్నిస్తే  బదులీయక  మూగదయ్యింది  అంతరాత్మ.. దేనికో  ఈ  జీవితకాలపు  ఎదురుచూపులు  అనుకుందో  ఏమో... జీవిత  పరమార్ధపు  మూలకాలు  సంతోషం, ఆనందం  అని  కూడా  మర్చిపోయిందనుకుంటా. మనసుకి  తెలుసు  ఈ  అంతరాత్మ  పరమాత్మకొరకు  ఎంత  వెతికిందో, ఎక్కడైనా  కనిపిస్తాడేమో  అని.. ఆ  పరమాత్మకి  ఉన్న  వ్యాఖ్యానాలు, వివరణలు, కథలు, విశేషాలు  తప్ప  తన  అనుభవాలేమీ  లేవు  పాపం.   కోరికలకీ, అవసరాలకీ  ఉన్న  సారూప్యతలను, వ్యత్యాసాలనే  ఇటుకలూ, సున్నంగా  జీవితాలనే  కట్టడాలని  నిర్మించిన  ఆ  నిరాకారికి  లేదా  సాకారికి  వీటి  ఉనికికి  పరమార్ధం  ఏమిటో  వాటికి  తెలియచెయ్యాలనిపించలేదేమో. పెద్దలు  చెప్పిన  పేర్లు, లక్షణాలు  తప్ప పాపం  అంతరాత్మకీ, పరమాత్మకీ  వ్యత్యాసం  ఏమిటో  కూడాతెలియదు.. ఎందుకుంటుందో, ఎలా  ఉంటుందో  చెప్పగలిగేవారెవ్వరూ  లేరు. ఆదిలో  జీవ  భావావిష్కరణం  జరిగిందో, భావ  జీవావిష్కరణం  జరిగిందో  పాపం  ప్రశ్నార్ధకమే  ఐపోయింది  దానికి. భావం  లేని  జీవం  ఎలా  ఉద్భవిస్తుందో  తెలియకముందే  జీవం  లేని  భావం  ఉనికి  మరో  ప్రశ్న  అయ్యింది. ఇంతటి  సునిశితమైన  ప్రశ్నలకి  జావాబివ్వలేని  మనిషిని  ఎందుకు  ఉత్తమ  జీవ  జాతిగా  మనిషి  గుర్తిస్తాడు.. వేదం  వల్లిస్తుందనా, అదీ  మనిషే  చెప్పాడు  కదా, ఏం  మనిషి  కానివారు  చెప్పారా, ఎవరు  వారు?? ఎవరికి  బద్దులు?? ఇలా  ఏ  ప్రశ్నకీ  కారణం  కానీ  అవసరం  కానీ  లేకుండానే  కుప్పలు  తెప్పలు  ప్రశ్నార్ధకాలతో  నిండిపోయింది, వాటిని  తొలగించే  సమాధానం  ఒక్కటీ  దొరకలేదు.. మనసుకేం  చెప్పాలో  తెలియక  కిమ్మనకుండా  కూర్చుంది. అంతరాత్మకి  సమాధానాలిచ్చే  తెలివి  దానికి  లేదు. మనస్సుండే  లౌకిక  ప్రపంచానికీ, అంతరాత్మ  ఆస్వాదిస్తున్న  అలౌకిక  ప్రపంచానికీ  లంకెలు  దొరక్క  సతమతమయ్యే  మనసు, అంతరిక్షంలో  నిల్చుని  అనంతమైన 4phiRcube  ఘనపరిమాణమంతా  అంధకారాన్నే  అలుముకుని  ఉన్నట్లుగా  తలచి, గమనమెటో, గమ్యమేదో  తెలియకుండా  ఉంది. అసలా  గమనమూ  గమ్యమూ  ఎందుకో  కూడా  మనసు  కూడా  ప్రశ్నించేస్తుంది. మనసుకి  తనంటే  ఏంటో  తనకి  తెలిసిన  తర్వాతి  కాలం  నుండి  తనలో  జనించిన  కోరికలన్నిటికీ  రెక్కలు  తొడిగి, అనంతమైన  గగనసీమలో  ఉరకలు  పరుగులుగా  ఎగరేయాలనుకుంది. తన  కోరికలనే  గుర్రాలను  సంద్రంలో  ఎగసిపడే  అలలకి  పోటీగా  చెయ్యాలనుకుంది. కానీ  తానుండేది  ఒక  స్థబ్దు  శరీరం, తన  యజమాని  ఒక  నిశ్శబ్ద  అంతరాత్మ... ఇంకా  ఏమడుగుతుంది  మనసు  మాత్రం, ఎవరినని  అడుగుతుంది.. తన  శరీరంలానే  స్థబ్దమై, స్థానువై  అణువు  కూడా  చలించక.. మరణం  వరకూ  తన  ఋణమేదో  తీరనట్టు  అలానే  ఉండిపోయింది, ఉండిపోతుంది... తను  చలించాలంటే    తనది  కానిదేదో  తనని  కదిలించాలంతే....... :(

నిన్ను నా ఊహలకందించిన ఈ వానకి వంద వందనాలు..

కాటికి కాలు సాచేవెందుకే ఓ మనసా..

నా మనసే నన్ను ఇష్టపడను పొమ్మంటే, దానికి కావాల్సిన తోడుకి నేనెలా ఇష్టమౌతాను?, ఐనా సరే ఆశతో నా మనసుని లాలించ ప్రయత్నించాను. దానికి ఇష్టమౌనో లేక కష్టమౌనో...?

ఛీ నా జీవితం..

ఛీ నా జీవితం, నా ప్రోటీన్ సీక్వెన్సు చూసి UKG స్టూడెంటొకడేమో నాకు ABCDలు ఆర్డర్లో రాయటం రాదన్నాడు, నేను తక్కువ తిన్నానా.. పుస్తకాల్లో మరి అడ్డదిడ్డంగానే రాస్తారు కదా వాళ్ళనేమీ అనవేం అంటే.. వెక్కిరించి మరీ అన్నాడు నీకు అది కూడా తెలీదా వాటిని వర్డ్సనీ, సెంటెన్సెస్ అనీ అంటారు, వాటికి మీనింగు అవీ గట్రా ఉంటాయ్, నువ్వు రాసినవాటికి మీనింగూ లేదూ ఆర్డరూ లేదూ అన్నాడు, చుట్టు పక్కల్లో చెంచాలేవీ లేవు కానీ లేప్పోతే అందులో నీళ్ళేసి దూకేసేవాణ్ణి.. వాడ్ని మళ్ళీ కనపడనీ అప్పుడు చెబుతాను..