బీప్.. బీప్... అంటూ మెసేజ్ వచ్చిన శబ్దం వచ్చింది.. ఏంటా అని చూశాడు మా ఫ్రెండు... పాపం గర్లు ఫ్రెండు మెసేజీ కోసం ఎదురు చూస్తున్నాడేమో (ఈ విషయం నాకైతే తెలీదు జస్ట్ నా guess అంతే ).. నిరాశతో కూడిన నిర్లిప్తత అలుముకున్న ఆగ్రహపూరిత వర్ణం దాల్చింది తన మొహం.. ఏంటి మేటర్ అని అడిగితే అప్పుడు తనే తిరిగి నన్ను ప్రశ్నించాడు..
ఐశ్వరాయ్ ఎవరు అని.. ??
నేను మనోడ్ని తేడాగా చూస్తూ... ఏదో చెణుకు విసిరేలోపే తనే మళ్ళీ స్టార్టు చేశాడు
డి1: actor
డి2: politician
అప్పుడర్దమైంది నాకు ఇందాక మెసేజ్ చదవగానే తన మొహంలో భావజాలాలు అలా ఎందుకు ప్రస్ఫుటమయ్యాయో.. ఎందుకంటే నాదీ అదే network (BSNL)..
పాపం ఆ మెసేజీతో పాటు ఇంకొన్ని మెసేజీలను... అంటే.. రజనీకాంత్ ఎవరు.. చార్మినార్.. హైదరాబాద్లో ఉందా.. కేరళలో ఉందా.. లేక మీ పక్కింట్లోఉందా.. ఇలాంటివన్నమాట..
చూపించి తన బాదని నాతో చెప్పి వాపోయాడు.. (నాతో చెప్పి మాత్రం ఏం లాభం.. జోగీ జోగీ రాసుకుంటే బూడిదే కదా రాలేది)..
అస్సలు మా ఫ్రెండుకి ఉన్న అసలు బాద ఇది కాదంట.. ఫుల్ సిగ్నల్ ఉన్న ఏరియాలో సెకెండు ఫ్లోరు పిట్టగోడెక్కి స్థంభం పట్టుకుని ఫోన్ చేసినా.. (ఆ చేసిన ఫోను మనోడి ఫోన్కి ప్రక్కనే ఉన్నా).. మీరు కాల్ చేస్తున్న subscriber బాత్రూమ్కెళ్ళారు.. లాంటి సిల్లీ రిప్లైలు వస్తాయి కానీ ఫోన్ అందదు.. కానీ సిగ్నల్ ఒక్క డిజిట్ మాత్రమే ఉన్న ల్యాబ్లోకైనా సరే వాడు పంపించే యాడ్ మెసేజీలు వెతుక్కుంటూ వచ్చేస్తాయని చెప్పి మళ్ళీ వాపోయాడు... పాపం (ఈ జాలి నాక్కూడా వర్తిస్తుంది). నాకైతే డౌటే.. శాటిలైట్ నెట్వర్కుతో పాటు బీఎస్సెన్నోళ్ళకి అబ్రకదబ్ర, తావీద్ మహిమ లాంటి మంత్ర శక్తులేవో ఉండుంటాయి, లేప్పోతే సిగ్నలున్న దగ్గర ఫోనే వెళ్ళంది అది లేని దగ్గరకి మెసేజెస్ ఎలా వెళతాయ్...
పోనీలే దేవుడి దయ వలన మేసేజీలో ప్రశ్నలిచ్చి సమాదానం ఇవ్వాలో వద్దో అనే చాయిస్ మనకే వదిలేస్తున్నాడు.. అలా కాకుండా.. సమాదానం తెలిసి కూడా రిప్లై చెయ్యలేదో.. నీ బుర్ర వేయి వ్రక్కలగుగాక అని పంపట్లేదు కదా అని సర్ది చెప్పాను..
ఆ మద్యన ఎవరో అంటే విన్నాను BSNL అంటే...
బి : బాయ్
ఎస్: సాబ్
ఎన్: నహీ
ఎల్: లగేగా
అంట... బాగా సరిపోయింది...(అంటే బాయ్ సాబ్ కాని వాళ్ళు లగేగానా అని అడగొద్దు)
ఈ లోపు ఇంకో మెసేజ్ వచ్చింది.. దాని తాత్పర్యం.... సారీ సారాంశం ఏంటంటే... ఎవరో పూజ అంట.. ఫ్రెండ్సు కోసం ఎదురు చూస్తూ ఉందంట.. తనతో మనం ఫ్రెండ్సిప్ చెయ్యొచ్చంట.. మెసేజీ కేవలం ఐదు రూపాయలేనంట.. మనోడు మళ్ళీ ఆవేదనా పూరిత బిక్క మొహం వేసుకుని.. ఏం చెయ్యమంటావ్ మౌళీ... ఐదు రూపాయలు పోతే పోయాయ్.. బూతులు రాసి మరీ ఎస్సెమ్మెస్ పంపేయనా అన్నాడు... దానికి నేనన్నానూ.. అయ్యో బూతుల్ని వాళ్ళు లైట్గా తీసుకుంటారూ.. ఒక ఐదు వేలు అప్పుంటే అడుగు.. అన్నాను.. మా వాడు ఒక చిరుమందహాసాన్ని జవాబుగా ఇచ్చిన తర్వాత ఆ సంభాషణ ముగిసింది..
Ha.. Ha.. Ha.. Very Good Post. I am also facing the same problem with this service provider.
ReplyDeleteBSNL : Bad Services Network Limited.
Cheers
:):):)
anna keka
ReplyDeleteపూజ, రజనీకాంత్ గట్రా మెసెజ్ ల బాధితురాలిని!:(
ReplyDelete