నేనొక్కన్నే నడిచి వెళ్ళి పెంటగానూ, వైట్ హౌసూ ఏ ఆయుధమూ లేకుండా అధీనంలోకి తెచ్చుకుని అమెరికాని ఇండియాలో కలిపేసి విజయగర్వంతో ఊగిపోతున్నట్టు గానూ.. రెండు ప్రపంచ యుధ్ధాల్ని ఒకేసారి చేసి వచ్చినంత అలసటగానూ.. పుట్టినెంటనే ఏ క్లాసూ అవసరం లేకుండా పిహెచ్.డీ. చేసేసినంత గొప్పగానూ.. ప్రపంచంలోనున్న అందరు అందగత్తెలూ, ఎవరూ దొరకనట్టు నా వెనకే పడుతున్నంత అద్భుతంగానూ.. వైకుంఠపాళి ఆటలో పాముల గడిలన్నీ దాటి వెళిపోయిన ఆటాగాడిలాగానూ.. ఆస్కారు, నోబెలు, బుక్కరు ప్రైజులు మూడూ కలిపి ఒక్కసారే తీసుకున్నంత ఆనందంగానూ.. భూభారాన్నంతా మోస్తున్న అట్లాస్కి దాని పీడ విరగడైనంత సంతోషంగానూ, పిల్లలందరూ సెటిలైపోయి బీచ్ సీనిక్ వ్యూలో పచ్చటి లాన్ ఎదురుగా ఉండగా బాల్కనీలో వాలు చైర్ ఉయ్యాలలో ఊగుతూ కూర్చున్న ఒక తండ్రి ఉన్నంత ధీమాగానూ ఉన్నాన్నేను... ఇంతకీ ఏం పీకావ్..!?!?!?! ఇదే కదా మీ ఆశ్చర్యార్దక సహిత ప్రశ్నార్ధకం.. ఏం లేదు ఇప్పుడే ప్రపంచంలో అత్యంత క్లిష్టమైన పనిని పూర్తి చేశాను.... అదేనండీ.. "బట్టలుతుక్కున్నాను.." మరిప్పుడు చెప్పండి పైన చెప్పినవన్నీ అతిశయోక్తులంటారా?? |
మనసు చేసే కేరింతలని పలకలేక నిస్సహాయ ఐన నా స్వరానికి అక్షర స్వరమై నిలచిన నా మనో ప్రతిబింబం.. నా ఈ అంతర్మధనం...
Thursday, June 10, 2010
అసలేమయ్యిందంటే...!?!?!
Subscribe to:
Post Comments (Atom)
అక్షరాలా నిజమడీ బాబూ......జీవితంలో అతి కష్టమైన క్లిష్టమైన పేద్ద పని బట్టలుతుక్కోవడం....నేను ఇంతే, ఉతికేయగానే ప్రపంచాన్ని గెలిచేసినంత ఆనందం పొందుతాను ఓ వారం రోజులకి....తరువాత మళ్ళీ మామూలే....ఎదురుగుండా బుట్టలో వారం రోజుల బట్టలూ కనిపిస్తుంటే :)
ReplyDeleteavunu anni athishayokthule
ReplyDelete@సౌమ్య: అంతే కదండీ.. అందుకే అప్పుడప్పుడూ.. జంతువుల్ని చూస్తే అసూయగా ఉంటుంది.
ReplyDelete@Anonymous: చూడండి యనానిమస్ గారూ ప్రొఫెషనల్సుకి నేను చెప్పినవి అతిశయోక్తులుగానే ఉంటాయి.. ఏమంటారూ..
బట్టలు ఉతకడం కన్నా ఇస్త్రీ చెయ్యడం ఇంకా చికాకు పని.. నా మట్టుకు.. :) :)
ReplyDelete@venuram: ఏమో లెండి.. వేసుకునే ముందు రెండు మూడు సార్లు.. ప్లేట్ క్రింద పడేసి పామేస్తే అవే ఇస్త్రీ ఐపోతాయి.. అంటే పక్క రూము వాడు ఎప్పుడు కావాలంటే అప్పుడు ఐరన్ బాక్సివ్వడు.. నేను కొనను.. కదా.. అందుకని..
ReplyDelete