ఒక చిన్న అబ్బాయి.. స్కూల్లో చదువుకుంటాడు, తన తండ్రి బాగా పేదవాడు కావటంతో.. సరైన బట్టలు, చెప్పులూ కూడా లేక అప్పుడప్పుడూ స్కూల్లో టీచర్ల చేత తిట్లు కూడా తింటూంటాడు.. అతడికి బొమ్మలంటే ఇష్టం కానీ, వాళ్ళ నాన్న కొనిపెట్టలేడు.. ఒక రోజు ఆ అబ్బాయికి ఒక ఏలియన్ డాగ్ దొరుకుతుంది.. కుళ్ళిన యాపిల్ని మంచి పండుగా మార్చగలిగే ఆ ఏలియన్ డాగ్ని చూసి ఎన్నెన్నో అద్భుతాల్ని ఊహించుకుంటాడు.. కానీ తాననుకున్న అద్భుతాలు వేటినీ ఆ కుక్కపిల్ల చెయ్యలేదు.. అద్భుతాలు ఒరగక సున్నా మార్కులొస్తే సున్నాకి పదిని చేర్చి తన తండ్రికి అబద్దాన్ని చూపెడతాడు.. నిజం తెలిసిన తండ్రి.. ఆ అబ్బాయిని తిడతాడు.. ఎప్పుడూ మోసం చెయ్యటం, అబద్దమాడటం, దెబ్బలాడటం లాంటివి చెయ్యకూడదని తాను చెప్పింది ఆ అబ్బాయి వినలేదని అంటాడు.. ఆ తర్వాత జరిగిన సంఘటనల పరిక్రమలో ఆ అబ్బాయి మంచి మార్కులతో పాసవుతాడు.. కానీ అతడి తండ్రి బిల్డింగ్ పనిలో యాక్సిడెంటై చావు, బ్రతుకుల మద్య ఉంటే.. బాదతో వెక్కి వెక్కి ఏడుస్తున్న ఆ ఆబ్బాయిని చూసిన ఏలియన్ డాగ్.. తన ప్రాణాన్నే ఇచ్చేసి.. పిల్లాడి తండ్రిని బ్రతికిస్తుంది.. ప్రాణం పోయిన ఆ ముద్దు ముద్దు ఏలియన్ డాగ్ ఒక బొమ్మగా మిగిలిపోతుంది.. చిన్న సినిమా, కథ.. పాత్రల సంఖ్య ఇలాంటివన్నీ తక్కువగానే ఉన్నా హృదయానికి హత్తుకునేలాగా తీశారు.. అందుకే అంటారనుకుంటే ప్రజ్ఞకి పనిముట్లు తక్కువున్నా/లేకున్నా.. తన ఉనికి చాటుకుంటుందని.. |
మనసు చేసే కేరింతలని పలకలేక నిస్సహాయ ఐన నా స్వరానికి అక్షర స్వరమై నిలచిన నా మనో ప్రతిబింబం.. నా ఈ అంతర్మధనం...
Saturday, June 19, 2010
CJ7: నాకు నచ్చింది...
Subscribe to:
Post Comments (Atom)
No comments:
Post a Comment